Salmu 10:1-18
ל [Lameti]
10 Khwoo Yehova, ntakhara heeni munakhalaanyu ocai?*
Ntakhara heeni muniipithaanyu mu ilukuluku sa sawuukhula?
2 Mwawiisoona, yoole ori oonanara murima onnamwiikara oohasuwa,Nto owo onamuheiwa ni muraakho onarehereryeiye.
3 Tiwi yoole ori oonanara murima onniirumiha ni soochuna sa yoowo mwaneene*Nave onnamureeliha muchu a nrima;*נ [Nuni]Owo hanamucicimiha Yehova.
4 Mwawiisoona, yoole ori oonanara murima hanatholathola echu;Muupuwelo awe woothene ti ola: “Haawowo Muluku.”
5 Iphiro sawe sinnatitelela omweecela phaama,Nto othoriha wanyu onnapwaha wiiwexexa wawe;Owo onnaanyemula* amwiicani awe oothene.
6 Owo onnaloca mmurimani mwawe: “Nkirwa kicikinyeyaru;*Wa muyareriwo ti muyareriwoNkirwa kihooxeya ni epahu.”
פ [Pe]
7 Mwaano mwawe woosareyamo wuulumela, wootha ni woopopiha;Vathi va nlumi nawe wookhalavo makacamiho ni otakhala.
8 Owo onniipitha waacamela mmiceche;Va nipuro oniipitheiyevo onnamwiipha muchu ahirino nthowa.
ע [Ayini]
Miitho awe annamwaavya muchu oomweerela yoonanara.
9 Owo onnawehererya va nipuro nawe nawiipithavo ntoko mwaco o nikhuku nawe.
Owo onnawehererya wi amphare yoole ohirino oomwaakiha.
Onnamphara ohirino oomwaakiha vaavaa onawaleiye mulapa awe.
10 Oohooxiwa onnanyaanyiwa nave onnavonyeriwa vathi;Oothanana onnamorela mmatani mwawe.
11 Owo onnaloca mmurimani mwawe: “Muluku oocuwala.
Oorukunusa ethoi awe.
Owo hanoonaru echu.”
ק [Kofi]
12 Vinyani, khwoo Yehova. Khwoo Muluku, mviihe ntata nanyu.
Muhaacuwale achu oohasuwa.
13 Ntakhara heeni oonanara murima ohimuciciminheiye Muluku?
Owo onnaloca mmurimani mwawe: “Nyuwaano hamukiichana wi mukikohakohe.”
ר [Rexi]
14 Nto nyuwo munnoona makacamiho ni sawuukhula.
Munnavarerya nave mwaha yoola onnakhala mmatani mwanyu.
Yoole ohirino oomukhaviherya onnaya wa nyuwo;Nyuwo mwa mukhaviheryi a ekwaasuni.*
ש [Xini]
15 Muntake nwono wa muchu oonanara murima ni ootakhala,Wi mwaawaavyaka otakhala wawe,Muhiphwanyeru.
16 Yehova ti Mwene okhala wookhala.
Maloko aacakanela veelaponi yavathi.
ת [Tawu]
17 Nto nyuwo munarwa mwiiwa yooveka ya achu awiichacala, khwoo Yehova.
Munarwa mulipiha mirima saya ni waathokororya vancipale yaawo.
18 Munanweerela wookololowa ikwaasuni ni achu oohooxiwa,Wi muchu a veelaponi yavathi ahirweru awoopopihe.
Inoota
^ Naari: “woorakamawo?”
^ Naari: “soochuna sa okumi awe.”
^ Naari akhweya: “Muchu a nrima onniireeliha yoowo mwaneene.”
^ Naari: “onnaaroha.”
^ Naari: “kiphirikeyaru.”
^ Naari: “mwaana ohirino apapa awe.”
