Salmu 118:1-29
118 Mmuthamalele Yehova, woona wi owo taphaama;Osivela wawe woororomeleya onniikhalelaru okhala wookhala.
2 Vano Isarayeli aloce ariki:
“Osivela wawe woororomeleya onniikhalelaru okhala wookhala.”
3 Vano yaale a veechokoni ya Aroni eloce eriki:
“Osivela wawe woororomeleya onniikhalelaru okhala wookhala.”
4 Yaale anamoova Yehova eloce eriki:
“Osivela wawe woororomeleya onniikhalelaru okhala wookhala.”
5 Kaahimwiichana Yehova* mu wuukhuwa waka;Yehova aahikaakhula nave aakikeriha mu nipuro nookhapeleleya.*
6 Yehova ori mmakupa aka; nkirwa koovaru echu.
Tiheeni muchu oneereiye akeerele?
7 Yehova ori mmakupa aka ntoko mukhaviheryi aka,*Kinahaala ohakalala owoona amwiicani aka evoothiwe.
8 Ti waphaama ochawela wa YehovaOpwaha waaroromela achu.
9 Ti waphaama omuroromela YehovaOpwaha waaroromela ahooleli.
10 Maloko oothene yaakirukurerya;Nyenya, mu nsina na Yehova,Kaahiweeriha oothene ochawa.
11 Yaakirukurerya, aa, yaakirukurerya mmakupa oothene;Nyenya, mu nsina na Yehova,Kaahiweeriha oothene ochawa.
12 Yaakirukurerya ntoko enuwi,Nyenya, yaacakanelihiwa mwawaakuveya ntoko mooro variyari va miiwa.
Mu nsina na Yehova,Kaahiweeriha oothene ochawa.
13 Kaahikakhiwa* mwakuru wi kuuwe,Nyenya Yehova aakikhaviherya.
14 Yehova nipuro naka nawiipithavo ni ikuru saka,Nave owo ookhala nivuluxo naka.
15 Okhuwela woohakalala wa nivuluxo*Ori mmixakala sa awookololowa.
Ntata noolopwana na Yehova ninnooniherya owerya.
16 Ntata noolopwana na Yehova ninniisinnuwiha;Ntata noolopwana na Yehova ninnooniherya owerya.
17 Hooye, nkini kikhwe; kinahaala okhalaWi kilaleye miteko sa Yehova.
18 Yehova aakilaka moowali,Nto haakiiphale.
19 Mukihulele milako sa wookololowa;Kinahaala ovolowa mwemmo ni omucicimiha Yehova.
20 Ola tori mulako wa Yehova.
Awookololowa anamvolowa vaavo.
21 Miyaano kinamoocicimihaani, woona wi mookaakhulaNave nyuwo mookhala nivuluxo naka.
22 Nluku nenlo naakhoociwe ni alipa ootekaTi nenlo naakhanle nluku noochuneya noopharelano empa.*
23 Ela enarweela wa Yehova;Eyo ti yootikhiniha vamiithoni vahu.
24 Nla nihiku Yehova opankeiye;Mu nihiku nenla, nnamuchapa nave nnamuhakalala.
25 Yehova, ninnoovekaani: Munivuluxe, muhineera!
Yehova, munivahe ovootha, muhineera!
26 Ooreelihiwa ti yoowo onarwa mu nsina na Yehova;Ninnooreelihaani orweela mu empa ya Yehova.
27 Yehova ti Muluku; owo tonanivaha omwaleela.
Muchaanane ni achu anaya ofestani mphareenle mirai mmatani,Ophiyerya o manyaka a altare.
28 Nyuwo muri Muluku aka nave miyo kinamoocicimihaani.
Muluku aka, miyo kinamoovuwihaani.
29 Mmuthamalele Yehova, woona wi owo taphaama;Osivela wawe woororomeleya onniikhalelaru okhala wookhala.
Inoota
^ Mu Ehepiri, “Aleluya!” Nsu nla nookhalano marepeliwo ookhuveya a nsina, Yehova.
^ Naari: “ntokwene.”
^ Naari akhweya: “ntoko mmoha a yaawo anakikhaviherya.”
^ Naari akhweya: “Weyo waakikakha.”
^ Naari: “ovootha.”
^ Mu Ehepiri, “muru wa vakwantuni.”
