Salmu 130:1-8
Ncipo na Owelano.
130 Ovinyerya mmapuro awiixa kinnawiichanaani nyuwo, khwoo Yehova.
2 Khwoo Yehova, mwiiwe nsu naka.
Iwaru sanyu iwiriyane moopwacha mavekelo aka avathi va murima ntakhara nikhaviheryo.
3 Waakhanle wi munnavareryela* soohesa, khwoo Yehova,*Taani, khwoo Yehova, aahaala owerya weemela?
4 Tiwi wa nyuwo toriwo okhurumuwela weeparipari,Wi mucicimihiweke.*
5 Kookhalano ewehereryo mwa Yehova, omuchu aka woothene* wookhalano ewehereryo mwa yoowo;Kinnaweherya masu awe.
6 Kinnanweherya* Yehova ni murima aka woothene,Waapwaha alipeleli yaawo anaweherya oxavo,Aa, waapwaha alipeleli yaawo anaweherya oxavo.
7 Isarayeli atitelele onweherya Yehova,Woona wi Yehova toororomeleya mu osivela waweNave ookhalano owerya otokweene wa woopola.
8 Owo onammoopola* Isarayeli wa soohesa sawe soothene.
Inoota
^ Naari: “munnarepela.”
^ Mu Ehepiri nsina nenla “Yehova,” nookhalano marepeliwo ookhuveya.
^ Mu Ehepiri, “mooviweke.”
^ Naari: “okumi aka woothene.”
^ Naari: “Okumi aka onnanweherya.”
^ Naari: “onammwaakiha.”
