Salmu 36:1-12
Wa muhooleli a macipo. Salmu yoowo Tavite mulapeli a Yehova aamurempeiye.
36 Yoocheka ennamulamulela aweera soonanara mmurimani mwawe;Vamiithoni vawe, hiwaavo omoova Muluku.
2 Tiwi vamiithoni vawe owo toochuneyaxa ophiyerya wi ahinawerya woona naari mano wiica yoohesa awe.
3 Masu a mwaano mwawe annaphoreiha nave annawoka;Owo haano wiiwexexa* wi eereno yeeyo eri yaphaama.
4 Ophiyerya wi vakaamani vawe onnuupuwelela ichu soonanara.
Owo onnachara ephiro yeeyo ehiri yaphaama;Owo hanakhooca yeeyo eri yoonanara.
5 Khwoo Yehova, osivela wanyu woororomeleya onnaphiya wirimu;Ororomeleya wanyu onnaphiya mmahurukuni.
6 Wookololowa wanyu ori ntoko miyaako mitokweene;*Mathorihelo anyu ari ntoko maahi mancipale awiixa.
Khwoo Yehova, munnaakhapelela* achu ni axinama.
7 Khwoo Muluku, ti wasisapo osivela wanyu woororomeleya!
Anamwane aachu annachawela mmuurusiWa makuphelo anyu.
8 Awo annavona ni soolya sa* mpa mwanyu,Nave munnaawuryiha maahi a mmuhiceni wa soohakalaliha sanyu.
9 Nyuwo mwa ehime ya okumi;Moorweela wa omwaleela wanyu ninnawerya woona omwaleela.
10 Mutitelele wooniherya osivela wanyu woororomeleya wa yaale yoosuwenleeni,Nave ekhaikhai anyu wa awookololowa mmurimani.
11 Muheemererye wi inaani sa achu awiirumiha ikinyikale;Naari matata aachu oonanara murima ekiikare.
12 Nwoone! Aweera soonanara aamora;Awo ahuuwiheryiwa vathi nave hanawerya ovinya.
Inoota
^ Naari: “miruku.”
^ Mu Ehepiri, “miyaako sa Muluku.”
^ Naari: “munnaavuluxa.”
^ Mu Ehepiri, “epaanya ya.”
