Salmu 47:1-9
Wa muhooleli a macipo. Salmu a anamwane a Kora.
47 Moope makuphi, achu oothene.
Mmuchapele Muluku ni okhuwela woohakalala.
2 Tiwi Yehova, Awiirimurimu, tawoopiha;Owo ti Mwene mutokweene a veelaponi yoothene yavathi.
3 Owo onnaninnyererya achu wi naalamuleleke;Owo onnakuha maloko vathi va inaani sahu.
4 Onnanthanlela yoohiyeryiwa ahu,Yawiirumihano ya Yakopo, yoowo owo onamusiveleiye. (Selaha)
5 Muluku aawela vaavaa achu yaakhuwelaaya moohakalala;Yehova aawela vaavaa achu yoopaya nipeca.*
6 Mwiipe macipo oomucicimihano* Muluku, mwiipe macipo oomucicimihano,Mwiipe macipo oomucicimihano Mwene ahu, mwiipe macipo oomucicimihano.
7 Tiwi Muluku tori Mwene a elapo yoothene yavathi;Mmwiipele macipo nave mooniherye miruku.
8 Muluku ookhala Mwene a maloko.
Muluku ookiraathi va munyukhu awe waweela.
9 Asitokweene aachu aathukumana vamohaNi muloko wa Muluku a Aparahamu.
Tiwi alamuleli a elapo ta* Muluku.
Owo ori vanipuro na vasuluxa.
Inoota
^ Naari: “nnyaka na epuchepuche yeelopwana.”
^ Naari: “Mumpakele macipo.”
^ Mu Ehepiri, “iyaakiho sa elapo ti sa.”
