Salmu 52:1-9
Wa muhooleli a macipo. Masikili. Salmu a Tavite. Vaavaa Toweki, o Etomi, aamulenleiye Sawuli wi Tavite aakele vaate va Ahimeleki.
52 Ntakhara heeni nyuwo muniirumihaanyu ni saweera sanyu sootakhala, nyuwo oowerya?
Osivela woororomeleya wa Muluku onniikhalelaru nihiku noothene.
2 Nlumi nanyu, ti naweetha ntoko ncemo,Munnuupuwelela weera yoonanara nave munneera ichu mmukhalelo woowoka.
3 Munnasiveliwa vancipale ni yoonanara ohiya yaphaama;Munnathanla wootha vaava munalocaanyu yeeyo eri yawookololowa. (Selaha)
4 Annoosivela masu oothene otoloxa,Weyo nlumi noowoka!
5 Ti nthowa nene Muluku onahaaleiye owiipha khuluwi okhala wookhala;Owo onahaala woophara ni woophola mmusakalaa;Owo onahaala woophola mu elapo ya akumi. (Selaha)
6 Awookololowa anahaala woona yeeyo nave anahaala otikhiniheya, nave awo anahaala omutheya yoowo.
7 “Mmoone, ola muchu yoowo ahaamweenre Muluku okhala voochawelavo vawe,*Nto aaroromenle muhakhu awe muncipaleNave aaroromenle muupuwelo awe woonanara.”*
8 Nto miyo kinahaala okhala ntoko mwiri wa asitona woovatha o empa ya Muluku;Nroromelo naka nri mu osivela woororomeleya wa Muluku, okhala wookhala.
9 Kinamoocicimihaani okhala wookhala, woona wi moheeravo echu;Vamiithoni va oororomeleya anyu,Kinanwehererya mu nsina nanyu, woona wi nlo ti naphaama.
