Yupu 23:1-17
23 Yupu aahaakhula:
2 “Ophiyerya olelo kinniikhupanyerya mwawiirumiha;Ikuru saka sookimalela wa nthowa na wuupulela waka.
3 Mano kaasuwenle nipuro na omphwanyawo Muluku!
Kaamuyawo nipuro nenlo owo onakhaleiyewo.
4 Kaahaala operekha mwaha aka vamiithoni vaweNi oloca sincipale wi kiisaakihe.
5 Kaamusuwela yeeyo aahaaleiye okaakhulaNave kaahaala owiriyana phaama yeeyo aahaaleiye okileela.
6 Apwanne owo aahaala ovaanyihana ni miyaano apharihelaka owerya wawe otokweene?
Hooye, mweeparipari owo aahaala okiwiriyana.
7 Weiwe, eekhaikhai aahaala omaliha miyaha ni yoowo,Nave miyaano kaahaala woopoliwa ekwaha emoha wa ilukuluku soothene ni Muthoriha aka.
8 Nto kaya weiwo onakhumawo nsuwa, owo hari weiwo;Nave kakooka, nkinawerya omphwanya.
9 Vaavaa onalapeiye o moono woothiyana, nkinawerya omoona;Voocharela, owo onnaya o moono woolopwana, nto naamwiihiiha, nkinamoona.
10 Nyenya owo oosuwela ephiro kineecaaka.
Amanle okeererya, kinamukhuma ntoko ooru oorehereryiwa phaama.
11 Manaani aka aachara moororomeleya inaani sawe;Kookhapelela iphiro sawe kihipherunweru.
12 Nkihin’yeru malamulo a mwaano mwawe.
Kookhapelela sooloca sawe mmurimani, opwaha mummo aakivekeiye.
13 Vaavaa owo onapakeiye yoolakelela, taani onawerya omuhiiha?
Alakelelaru weera echu, owo onneerano.
14 Tiwi, owo chiryeene onahaala waakhwaniherya yeeyo olakelenleiye wa miyo,Nave owo ookhalano ichu sincipale ntoko seiha mmuupuweloni mwawe.
15 Tinthowa nene kinuukhuwaaka wa nthowa na yoowo;Vaavaa kinuupuwelaaka sa yoowo, woova waka onnaaceereryeya.
16 Muluku ookeeriha okhala ooceecheya,Nave Aikuru Soothene ookeeriha okhala awoova.
17 Nto nlelo nkimaalihiwe ni epiiphiNaari mano ni epiiphi yooriipa yeeyo enakhuneela ethoi aka.
