Yupu 6:1-30
6 Vanonto Yupu aahaakhula:
2 “Yaamukhala phaama soohoosa saka saaphwimmwe,Nave saakuhiwe vapalansani vamoha ni ipahu saka!
3 Woona wi vano, iho ti soohokolaxa opwaha ehaava ya mphareya.
Ti nthowa nene kiloncaaka kihuupuwelenle.*
4 Tiwi mavaka a Aikuru Soothene aakihoma,Nave munepa aka onnawurya murece wawiipha wa mavaka yaawo;Sawoopiha soorweela wa Muluku sinnakirweela.
5 Apwanne puuru amutakhwani onnanla munyepu ori vakhiviru,Naari apwanne emope ennanla munyepu ori vakhiviru?
6 Apwanne yoolya yeeyo ehinasiva ennalyiwa ehiheliwe maakha?Naari apwanne epwanyasi* ya mwiri ennasiva?
7 Miyo kookhooca ophara ichu seiha;
Iho iri ntoko yoolya yawuuca.
8 Yaamukhala phaama yooveka aka yaakhuliwe,Nave wi Muluku aakhwaniherye yoochuna aka!
9 Muluku aakinyaannye mano,Nave aavinhe ntata nawe ni okitoloxa!
10 Tiwi, ophiyerya tho yeela yaahaala okihakararya;Kaamuchapa ni ohakalala moohipwacha wiicela waka woohimala,Woona wi nkikhoonce masu a yoole ori aweela.
11 Apwanne kookhalano ikuru wi kititelele owehererya?
Nave tiheeni kinaweheryaaka omwaahiyu, wi kititelele okhala?*
12 Apwanne kiri oolipa ntoko mwala?
Apwanne mwiili aka opakiwe ni enyacu?
13 Apwanne kinanwerya wiikhaviherya mukhataaka mmukhalelo wammoori,Eniiha kaakhiwe ichu soothene saakikhaviherya?
14 Yoole onakhooca omooniherya mukhwaawe osivela woororomeleyaOnamuhiya omoova Aikuru Soothene.
15 Asinnaka ene toowoka ntoko muhice wa elukuluku tonto,Ntoko maahi a mihice seiho sinuuma mu elimwe.
16 Iho sinnariipa wanthowa na exeelu,*Nave mummo, eneevi* ennacakanela.*
17 Nyenya mu elukuluku aya, iho sinnaweleela ni ocakanela;Oviha waphiya, iho sinnuuma.
18 Iho sinnaperuxiwa;Sinnaphiya otakhwani nave sinnacakanela.
19 Alipa a maroca o Tema annaavya seiho;Alipa a vamukwahani o Xepa annawehererya seiho.
20 Awo annuuliheya muru woona wi ororomela waya waari wa siiyo;Annaphiya weiwo pahiru wi ekhale oothanana.
21 Nyuwaano muri ntoko seiho,Mohoona ohooseya waka otokweene nave moova.
22 Apwanne kooloca kiriki: ‘Kivaheeni echu,’
Naari kooveka wi mukivahe yamahala orweela wa muhakhu anyu?
23 Apwanne kooveka wi koopoliwe mmatani mwa mwiicaniNaari wi kivuluxiwe mmatani mwa alipa oohooxa?
24 Mukihusihe, nave miyo kinammaala;Mukikhaviherye osuwela yoohesa aka.
25 Masu eeparipari haniicela!
Nto okookolola wanyu orino mphurelo taani?
26 Apwanne munavaneela wi mvaanye masu aka,Sooloca sa muchu yoowo ovelavenle, seiho inakusiwa ni echeku?
27 Nyuwaano tho mwaahaala ovonya ekari wa ekwaasuniNave mwaahaala omutumiha nthamwene anyu!
28 Vano mukiwehe nave mukivarerye,Tiwi miyo nkaahaala woowokaani vamiithoni vanyu.
29 Khwoo mutoroke muupuwelo anyu, muhikithorihe moonanara.Aa, mutoroke muupuwelo anyu, woona wi miyo nlelo kiri awookololowa murima.
30 Apwanne wookhalamo ohookololowa mwaano mwaka?
Apwanne nlumi naka hannawerya ohiyaniha yeeyo eri yoonanara?
Inoota
^ Naari: “moololo; moohisuwanyeya.”
^ Naari: “esenya; orokosi.”
^ Naari: “wi keerihe okumi aka olekela.”
^ Naari: “maahi awuupaana.”
^ Naari: “mucarapo.”
^ Naari: “enniipitha.”
