Yupu 8:1-22
8 Vanonto Pilitati o Xuhi, aahaakhula ariki:
2 “Ophiyerya liini mulocaka hiiha?
Masu a mwaano mwanyu ari ntoko onyakula wa echeku etokweene!
3 Apwanne Muluku onnakhoromanya wookololowa?Apwanne Aikuru Soothene onnakhoromanya ekhaikhai?
4 Waakhanle wi anamwane anyu aamuchekela,Owo oheemererya wi elakiwe wanthowa na omwaryeya* waya.
5 Nyenya waakhanle wi moomwaavya MulukuNi oveka ikharari sa Aikuru Soothene,
6 Nave chiryene mwaakhanle aweela ni awookololowa,Aahaala woowiriyanaaniNave aahaala wookookiheryaani* mu nipuro nnoophwanelaani.
7 Naamwi mapacereryo anyu yaari makhaani,Omwaahiyu anyu waahaala winnuwa.
8 Khwoo, mwaakohe achu akhalai,Nave nwiriyane ichu seiho asitiithi aya yonnaaya.
9 Tiwi, hiyaano n’yariwe osilo nave hinsuwenle echu,Ntakhara mahiku ahu veelaponi ari ntoko muuruxi.
10 Apwanne awo hiyoohusihani,Ni wooleela yeeyo awo asuwenlaaya?
11 Apwanne echeere enniinnuwa ehiri mucaponi?
Apwanne ehece enniinnuwa ehirivovo maahi?
12 Nlelo iho siphuwenle, sihaakumve opholiwa,Sinarwa saakuvela onyaala opwaha mwiri mukina.
13 Ala makuchuwelo* a oothene yaale anamucuwala Muluku,Tiwi ewehereryo ya achu ootakhala murima* enammala,
14 Ororomela wawe ti wasiiyo,Nave okhapeleleya wawe ti wooceecheya ntoko oxalo* wa nantarasi.*
15 Owo onahaala ohaamela empa awe, nyenya eyo enammora;Owo onahaala weererya opharelela, nyenya eyo enammora.
16 Owo ori ntoko mwiri wooripelela onaheliwa maahi woopeliwaka nsuwa,Mirai saya sinnarapela mmacani.
17 Mitathaari saya sinnavatha va maluku awuukeliwa;Owo onnaavya empa variyari va maluku.
18 Nto wapholiwavo vaavale waamenlayaavo,Nipuro nenle ninnakhooca mwiri ole, nave ninnaloca: ‘Nkintonko owoona.’
19 Ti hiiha owo onacakaneleiye;*Voocharela akina annakhuma vanchupini.
20 Chiryene, Muluku harwa aakhooca yaale anatitelela okhala awookololowa murima;*Naari waakhaviherya* yaale ari ootakhala murima,
21 Vooloca sa nyuwo, owo nlelo onamoosareihaani otheya,Ni okhuwela moohakalala.
22 Yaale anawiicaani anamuuliheya muru,Nave muxakala wa achu oonanara murima horwa tho okhalavo.”
Inoota
^ Mu Ehepiri, “Owo ohaahiya mmatatani wa omwaryeya.”
^ Naari: “aanvinya wi awooniheryeeni ikharari.”
^ Mu Ehepiri, “Iha iphiro.”
^ Naari: “alipa oomwaryeya.”
^ Mu Ehepiri, “empa ya.”
^ Naari: “nanrakasi; nankarasi.”
^ Naari: “Ti hiiha mphiro awe onacakanelaaya.”
^ Naari: “yaale oohikhalano nthowa.”
^ Naari: “opharela ntata na.”
