Xmomachti kuajli titlaamapouas niman titemachtis
Yejuin amatlajkuilojli onochijchiuj niman ijkon mamitspaleui kuajli xtlaamapoua, kuajli xtlajto niman xtemachti.
Iamatlajkuilol Grupo akin Tlayekana ipan nochi tlanechikoltin
Tejuamej titemachtiaj itech kuajli tlajtoltin tlen melak ueyi kijtosneki tlen xkeman noteijlia ipan tlaltikpaktli.
TLAMACHTIJLI 1
Kuajli xtlapejpeni tlen ika tipeuas
Tlen ika tikpeualtis tikijtos motlamachtil yexkan ika tepaleui.
TLAMACHTIJLI 2
Xtlajto ken nochipa titlajtoua
Xtlajto ken nochipa titlajtoua niman ken uelis mitsasikamatiskej, yejuin mitskauilis xteititi tlen tikmachilia itech tlen tikijtoua niman itech akin mitskaktokej.
TLAMACHTIJLI 3
Xtetlajtolti
Xtetlajtolti ika tetlakaitalistli, ijkon titetlanemililtis niman tikteititis tlen melak noneki itech tlen tikteijlis.
TLAMACHTIJLI 4
Xchiua makimatikan tleka tikpoua se tlaxelojli
Ijkuak tikpouas se itlaxelol Biblia, kachtopa xyektlali intlanemilil akin mitskaktokej.
TLAMACHTIJLI 5
Xkamapoua ijkon ken ijkuiliujtika
Kuajli titlaamapouas melak tepaleuis xtemachti tlen Jehová kineki makimatikan.
TLAMACHTIJLI 6
Manasikamati tlen tiktetomilia itech itlaxeloluan Biblia
Kuajli xkita ika akin mitskaktokej nimantsin makitakan kenon yejon tlaxelojli kipaleuiya tlen titemachtijtika.
TLAMACHTIJLI 7
Xkijto tlen melauak niman tlen tetlaneltokiltis
Xtekitilti tlen tikmati ika melauak, ijkon akin mitskakiskej tikinpaleuis pampa tlen kasikamatiskej melauak yes.
TLAMACHTIJLI 8
Xtemachti ika neskayomej
Xkualtsintili motlamachtil ika neskayomej tlen nimantsin nasikamatij, yejuin kichiuas ika mamitskakikan niman ika mauelikan tlen ueyi kijtosneki.
TLAMACHTIJLI 9
Xtemachti ika videos niman tlaixkopinaltin
Xkintekitilti videos niman tlaixkopinaltin, ijkon tlamachtijli tlen ueyi kijtosneki xouijtika kasikamatiskej niman noijki kilnamiktoskej.
TLAMACHTIJLI 10
Xpapatla ken nauati motlajtol
Xpapatla kech ika chikauak motlajtol, kenon kakisti niman kenon ika yolik noso totoka titlajtoua, tla tikchiua yejuin kimachiliskej tlen tikijtoua niman kuajli nasikamatis tlen tikneki titemachtis.
TLAMACHTIJLI 11
Xteititi ika tikuelita tlen tikteneua
Xteititi ika tikuelita tlen tikijtotika ijkuak tiktetomilis tlen ueyi kijtosneki noso ijkuak tikinyolmapeuas itlaj makichiuakan akin mitskaktokej.
TLAMACHTIJLI 12
Xteititi ika titetlasojtla niman titeasikamati
Xtlajto ika nochi moyojlo niman xteititi ika timajmana ipampa akin mitskaktokej.
TLAMACHTIJLI 13
Xteititi kenon kinpaleuis ipan innemilis
Xkinpaleui akin mitskaktokej makitakan kenon kinpaleuis ipan innemilis tlen tikimijlitikaj niman noijki xkimititi tlenon noneki kichiuaskej ika tlen ueliskej.
TLAMACHTIJLI 14
Xteititi tlen ueyi kijtosneki
Xkinpaleui akin mitskaktokej ika makasikamatstiakan motlamachtil niman kuajli xteititi kenon notlajtolnamikij tlajtoltin tlen ueyi kijtosnekij iuan ken itoka motlamachtil niman xteititi kenon kinpaleuis tlen tikimijlia.
TLAMACHTIJLI 15
Xteititi ika tikneltoka tlen tikijtoua
Xteititi ika tikneltoka tlen tikijtoua. Xteititi ika yemelak tikneltoka tlen tikijtoua niman ika tlen tikinmachtijtika akin mitskaktokej melak ueyi kijtosneki.
TLAMACHTIJLI 16
Xteyolchikaua niman xtlajto itech tlen kuajli
Noneki matitlajtokan itech tlen teyolchikaua maka itech tlen xteyolchikaua. Xchiua ika matlanemilikan itech iTlajtol toTajtsin.
TLAMACHTIJLI 17
Manasikamati tlen tikijtoua
Xkinpaleui akin mitskaktokej ika makasikamatikan tlen tikimijlitikaj. Kuajli xtetomili tlen melauak noneki manasikamati.
TLAMACHTIJLI 18
Makimatikan ika itlaj okseki okixmatkej
Xkintlanemililti akin mitskaktokej; makimachilikan ika ouelkej itlaj tlen kinpaleuis.
TLAMACHTIJLI 19
Maajsi ipan inyojlo akin mitskaktokej
Xkinpaleui ika intlasojtlalis itech Jehová, intech tlaltikpakchanejkej niman itech itlamachtiluan Biblia, makinmapeua makichiuakan tlen kuajli.
TLAMACHTIJLI 20
Kuajli xtlamilti
Ijkuak ititlamis xteneua tlajtoltin tlen ika tikinyolmapeuas akin mitskakiskej, ijkon kiseliskej niman kichiuaskej tlen ouelkej.
Tlen niueltiuj
Nikan tikitstias kenon tiueltiuj titlaamapoua niman titemachtia.
Puede que también le interese
SERIE DE VIDEOS
Xmomachti kuajli titlaamapouas niman titemachtis (videos)
Mitspaleuiskej kuajli titlaamapouas niman kuajli titemachtis kampa miyekej nemij.
