TLAMACHTIJLI 48
Kuajli xkintlapejpeni akinon imiuan timouikas
Akin kuajli imiuan touikaj kichiuaj más matiyolpakikan niman techpaleuiyaj maka melak matajmanakan ijkuak tikixnamikij tlen xkuajli. San ika, Biblia techijlia ika xnochimej uelis imiuan touikaskej. Kuakon, ¿tlenon uelis mitspaleuis kuajli xkita akinon imiuan timouikas? Matikitakan tlenon uelis mitspaleuis.
1. ¿Tlenon ueli kichiuaj toamigos?
Ijkuak tejuamej melak tosentlaliaj imiuan oksekimej, peua tikchiuaj ijkon ken yejuamej. Kema, tikchiuaj tlen kuajli kichiuaj niman noijki tikchiuaj tlen xkuajli kichiuaj. Yejuin panoua maski tla san ipan redes sociales tikimitaj. Niman yejon tlen kijtoua Biblia: “Xmouika iuan sen tlamatki niman titlamatki yes, pero xmouika iminuan on tontos [noso akin xkitlasojtlaj Jehová] niman timixpolos” (Proverbios 13:20). Tla timouika imiuan akin kitlasojtlaj Jehová niman kitekichiuiliaj, yejuamej mitspaleuiskej más kuajli xmouika iuan Jehová niman xtlapejpeni tlen kuajli. San ika, tla tejua melak timouika imiuan akin xkitekichiuiliaj, yejuamej uelis kichiuaskej xtlalkaui Jehová. Ika yejon, Biblia techijlia ika noneki kuajli tikintlapejpeniskej akinon imiuan touikaskej. Ijkuak akin imiuan touikaj melak kitlasojtlaj Jehová, san sekan topaleuiyaj. Niman, ijkuak ijkon tikchiuaj, tiktlakamatij tlen kijtoua Biblia: “Yejua ika, xmoyoleuakan iuan cada se, niman xmoyolchikauakan ikan tlaneltoktli iuan oksekimej” (1 Tesalonicenses 5:11).
2. ¿Tlenon kinemilia Jehová intech akin imiuan touikaj?
Jehová kuajli kintlapejpenia akinon imiuan nouikas. Biblia kijtoua ika Jehová “kuajli imiuan nouika akin yolmelaujkej” (Proverbios 3:32, TNM). ¿Kenijki nomachiliskia Jehová tla tejuamej melak touikaskiaj imiuan akin xkitlasojtlaj? ¡Melak tikyolkokoskiaj! (Xkita Santiago 4:4). San ika, tla tejuamej xtouikaj imiuan akin xkitlasojtlaj toTajtsin niman tokojtiliaj más kuajli touikaskej iuan toTajtsin niman imiuan itekipanojkauan akin noijki kitlasojtlaj, yejua melak yolpakis niman kinekis touan nouikas (Salmo 15:1-4).
OKSEKI XKASIKAMATI
Matikitakan tleka melak noneki kuajli matikintlapejpenikan akinon imiuan touikaskej. Noijki matikitakan kenijki uelis tikinpiyas moamigos akin melauak mitspaleuiskej.
3. Maka xmouika imiuan akin uelis mitsijtlakoskej
Tla touikaj imiuan akin xkitlasojtlaj toTajtsin niman imiuan akin xkitlakamatij, uelis topan nochiuas tlen xkuajli. Xkitakan VIDEO niman xtlajtokan itech yejuin:
-
Kemantika, nion xtikitaj kenijki peua touikaj imiuan akin uelis techijtlakoskej. ¿Otikitak kenijki ueliskia imiuan touikaskej?
Xkitakan 1 Corintios 15:33 niman xtlajtokan itech yejuin:
-
¿Akinomej uelis kichiuaskej xchiua tlen xkuajli? ¿Tleka?
Xkitakan Salmo 119:63 niman xtlajtokan itech yejuin:
-
¿Tlenon noneki tikitas ijkuak tikintlapejpenis akinon imiuan timouikas?
Se manzana tlen yopalan uelis kinpalanaltis okseki manzanas. Niman tejua, ¿kenijki uelis mitsijtlakos tla timouika imiuan akin kichiuaj tlen xkuajli?
4. Uelis touikaskej imiuan akin xijkon ken tejuamej
Biblia kijtoua ika David niman Jonatán, akin israelitas katkaj, melak kuajli onouikakej maski xsan noijki uejueyimej katkaj niman maski xsan noijki ken onoskaltijkej. Xkitakan 1 Samuel 18:1 niman xtlajtokan itech yejuin:
-
¿Tleka tikijtouaj ika uelis touikaskej imiuan akin xijkon ken tejuamej niman imiuan akin xsan noijki uejueyimej ken tejuamej?
Xkitakan Romanos 1:11, 12 niman xtlajtokan itech yejuin:
-
¿Kenijki noyolchikauaj amigos akin kitlasojtlaj Jehová?
¿Tlenon okipaleui se telpochtli makinnexti akinon imiuan nouikas? Xkitakan VIDEO niman xtlajtokan itech yejuin:
-
¿Tleka itajuan Akil xkuelitayaj ika yejua manouika imiuan akin nomachtiaya ipan escuela?
-
¿Tleka Akil kuelitaya nouikas imiuan akin nomachtiaya ipan escuela?
-
¿Tlenon okichiuj niman ijkon xok san iselti nomachilis?
5. Tlen uelis tikchiuas niman ijkon tikinpiyas akin kuajli imiuan timouikas
Xkita kenijki uelis tiknextis se kuajli amigo niman tlenon uelis tikchiuas niman ijkon noijki tiyes se kuajli amigo. Xkitakan VIDEO.
Xkitakan Proverbios 18:24 niman 27:17, niman xtlajtokan itech yejuin:
-
¿Kenijki nopaleuiyaj akin kuajli nouikaj?
-
¿Akin imiuan timouika kichiuaj ijkon ken kijtoua Proverbios? Tla ka, ¿kenijki uelis tikinnextis moamigos akin mamitspaleuikan?
Xkitakan Filipenses 2:4 niman xtlajtokan itech yejuin:
-
Tla tikneki tikpiyas se kuajli amigo, noneki tiyes se kuajli amigo. ¿Kenijki uelis tikchiuas yejuin?
Tla tikneki tikpiyas se kuajli amigo, noneki tiyes se kuajli amigo.
SEKIMEJ KIJTOUAJ: “Nochimej uelis imiuan touikaskej maski san tlemach makichiuakan”.
-
¿Tejua tlenon tiknemilia?
TLEN OTIUEL
Ijkuak kuajli tikintlapejpeniaj akinon imiuan touikaskej, más kuajli tinemij niman tikyolpaktiaj Jehová.
¿Kenon titlanankiliskia?
-
¿Tleka Jehová kineki kuajli matikintlapejpenikan akinon imiuan touikaskej?
-
¿Akinomej xnoneki imiuan touikaskej?
-
¿Tlenon uelis tikchiuas niman ijkon tikinpiyas moamigos akin kichiuaj tlen kuajli?
OKSEKI XKITA
Xkita kenijki uelis techpaleuiskej akin imiuan touikaj ijkuak tikixnamikij tlen xkuajli.
“Matikintejtemokan akin melak kuajli imiuan touikaskej” (Amatl Tekakistilijketl, noviembre de 2019)
Xkita tlenon uelis mitspaleuis xkinnexti akinomej kuajli imiuan timouikas.
¿Tlenon noneki tikmatis itech moamigos akin tikinpiya ipan redes sociales?
Se tlakatl okinkauj akin imiuan nouikaya. Xkita tleka ijkon okichiuj ipan tlamachtijli “Niknekiya nikpiyas se notaj”.
“Biblia okichiuj manopatlakan” (Amatl Tekakistilijketl, 1 de abril de 2012)
Puede que también le interese
TLEN MIYEKPA NOTLAJTOLTILO
¿Kenon nochiua ijkuak se kimachtiaj itech Biblia?
Ijkuak mitsmachtiskej iteixpantijkauan Jehová uelis tijkuis maski san katlejua Biblia. Uelis ompa nemiskej mochanejkauan noso moamigos.
