Timitstlasojkamachiliaj ika otikpouj yejuin amatlajkuilojli niman ijkon kuajli otitechixmat, yotikmat tlen tikchiuaj niman kenon titekitij. Tikchiaj ika yejuin amatlajkuilojli mamitspaleui xkasikamati ika ipan yejuin tonajli san tejuamej tikchiuaj tlen Jehová kineki. Timitsyoleuaj ok xmomachti itech toTajtsin. Xtlajto imiuan mochanejkauan niman akin imiuan timouika itech tlen timomachtijtok niman nochipa xuiya kampa tosentlaliaj (Hebreos 10:23-25).

Tla xtimoteltia timomachtia itech Jehová, kuajli tikasikamatis kenon mitstlasojtla. Kuakon mitsyolmapeuas tikchiuas tlen kitlajtlani (1 Juan 4:8-10, 19). Xtlanemili ipan yejuin, ¿kenon uelis tikteititis ika tiktlasojtla toTajtsin? ¿Tleka kuajli tonkisas tla tiktlakamati tlen kijtoua? ¿Tlenon uelis mitspaleuis ika tiknekis tikchiuas touan tlen kineki toTajtsin? Akin mitsmachtia itech Biblia mitspaleuis xnankili yejuin, niman ijkon tejua iuan mochanejkauan “xnemilikan nochipa ken ijki nenueliskej nenkiseliskej itetlajsojtlalis Dios. Niman xchakan on yenkuik nemilistli para nochipa” (Judas 21).

Ika nochi toyojlo timitsyolchikauaj maka xkaua xuiya ipan ojtli tlen melauak. Melak mitspaleuis tla timomachtia itech amoxtli tlen itoka “Nochipa xnemikan itech itlasojtlalis toTajtsin”.