Amatlajkuilojli Xkaki toTajtsin yonochijchiuj ika titemachtiskej tlen melauak itech Biblia pampa kipiya tlaixkopinaltin tlen uelis tiktekitiltiskej iuan akin xmelak uelij amapouaj. Nochi tlamachtiltin kipiya ome páginas niman kipiya tlaixkopinaltin tlen kuajli ononemilijkej, niman kipiya tlen techititijtiuj tlen tlaixkopinaltin tikimitaskej.

Amatlajkuiloltin Xkaki toTajtsin niman Xkaki toTajtsin niman tinemis nochipa kipiyaj san noijki tlaixkopinaltin. Akin kuajli amapouaj uelis kitekitiltiskej amatlajkuilojli Xkaki toTajtsin niman tinemis nochipa. Noijki tenojnotskej kitekitiltiaj yejuin amatlajkuilojli maski tla akin kimachtijtokej kikui amatlajkuilojli Xkaki toTajtsin tlen xkipiya miyek tlajtoltin. Seki páginas kipiyaj recuadro kampa onka okseki tlen uelis nomachtiskej tla tenojnotsketl kita ika kasikamatis.

Nochipa uelis tiktetekiuiltis maski san katlejua itech yejuin ome amatlajkuiloltin, maski tla xnotetekiuiltis ipan metstli. Ijkuak titemakas tlamachtijli itech Biblia, kuajli xkintekitilti tlaixkopinaltin tlen ika uelis tiktetomilis tlen kijtoua Biblia. Xchiuili tlajtoltilistin akin tikmachtijtika ijkon uelis tlanankilis niman noijki tikmatis tla kasikamatstok. Xpoua niman xtomili tlaxeloltin itech Biblia tlen uajlauej kampa ontlami página. Ijkuak nentlamiskej amatlajkuilojli, xmomachtikan amoxtli ¿Tlenon melauak temachtia Biblia? niman ijkon tikpaleuis akin tikmachtijtika manoapolakti.