Jehová yejua akin kichiua ika xinachtli itech tlen melauak manoskalti niman manoneluayoti ipan inyojlo akin tikinnojnotsaj (1Co 3:6-9). Ika yejon, tla tiknekij ika akin tikinmachtiaj manoskalti intlaneltokil, noneki tikneltokaskej ika Jehová techpaleuis niman ika kinpaleuis akin tikinmachtiaj.

Ijkuak tiknotsas Jehová, xtlajtlanili makinpaleui akin tikinmachtia makixikokan tlen kixnamikij (Flp 1:9, 10). Noijki, xtlajtlanili ika iespíritu santo makiyekana tlen tiknemilia niman tikchiua (Lu 11:13). Xkimititi akin tikinmachtia kenon kichiuaskej teoyotl, niman xkinyolchikaua makichiuakan. Imiuan xchiua teoyotl niman, ijkuak tiktlajtlanilis Jehová makinpaleui, xkintokayoti.

XKITAKAN VIDEO MELAK TEYOLPAKTI IJKUAK TITEMACHTIAJ. MATOKAUILIKAN MATECHPALEUI JEHOVÁ: TEOYOTL, SAKIN XNANKILIKAN YEJUIN:

• ¿Tlenon okixnamik Rita ijkuak kimachtijtoya Coral?

• ¿Kenon tlen kijtoua 1 Corintios 3:6 okipaleui Rita?

• ¿Kenon onoyektlali tlen kixnamiktoya?