¿Tlenon kijtoua Biblia?
¿San tlaltikpakchanejkej okitlalijkej religión?
SEKIMEJ TLALTIKPAKCHANEJKEJ KINELTOKAJ ika religión okitlali se tlakatl. Oksekimej kinemiliaj ika toTajtsin kikui religión ika kinpaleuiya tlaltikpakchanejkej manonisiuikan itech.
TLEN BIBLIA KIJTOUA
“ToTajtsin kiselia itlaneltok se tlakatl tla on tlaneltoktli xkipia ijtlakaualistli, yej kipia chipaualistli” (Santiago 1:27). Religión tlen melauak ualeua itech toTajtsin. ¿Tlenon tiknemilia tejua?
¿TLENON NOIJKI UELIS TOMACHTISKEJ ITECH BIBLIA?
Se religión noneki matemachti tlen melauak kisa ipan Biblia niman ijkon kiyolpaktis toTajtsin (Juan 4:23, 24).
Religiones tlen temachtiaj itlanemililuan se tlakatl xtlaj ika tepaleuiyaj (Marcos 7:7, 8).
¿Noneki tinemiskej itech se religión?
¿KENON TIKNEMILIA TEJUA?
Kema
Ka
Kanaj kema noneki
TLEN BIBLIA KIJTOUA
“Ma tiknemilikan ken ijki uelis tikinyoleuaskej oksekimej para ma notlajsojtlakan se iuan okse niman para ma kichiuakan on tlen kuajli. Niman ma ka no ijki ma tikchiuakan ken sekimej yejuan xok nosentlaliaj touan” (Hebreos 10:24, 25). ToTajtsin kineki ika akin kiueyichiuaj manosentlalikan ken grupo.
¿TLENON NOIJKI UELIS TOMACHTISKEJ ITECH BIBLIA?
Akin san sekan kiueyichiuaj toTajtsin noneki san se tlaneltokijli kipiyaskej (1 Corintios 1:10, 11).
Akin nemij ipan se religión tlen toTajtsin kuelita nemij san sekan ken ikniujtin ipan nochi tlaltikpaktli (1 Pedro 2:17).
