Ipan 24 de mayo de 2022 opanok itlaj tlen melak xkuajli ne Uvalde, Texas, U.S.A. Periódico The New York Times okijto ika se tlakatl okinmikti 19 kokonej niman omemej maestros ipan escuela primaria Robb.

 Teajman ika melak miyekpa panoua tlen melak xkuajli. Periódico USA Today okijto ika ipan 2021 san ipan Estados Unidos, onomotlalok ipan escuelas 249 veces. Xok keman ijkon nochiuaya desde 1970.

 ¿Tleka panoua miyek tlen xkuajli? ¿Tlenon uelis techpaleuis para maka melak matechajmana tlen panoua? ¿Yejkos se tonajli ijkuak xok nochiuas tlen xkuajli? Biblia kinankilia nochi yejuin.

•    Biblia kijtoua ika tinemij ipan sa itlamiyan tonaltin ijkuak miyekej “xkintlajsojtlaskej oksekimej nion xteikneliskej”. Kema, miyekej kichiuaskiaj tlen melak xkuajli niman “inyojlo más ijtlakautias” (2 Timoteo 3:1-5, 13). Tla tikneki tikmatis más itech yejuin, xkita tlamachtijli “¿Predijo la Biblia cómo sería la gente en nuestros días?”.

 Miyekej notlajtoltiaj: “¿Tleka toTajtsin xkichiua maka sa manochiua tlen xkuajli, ken ijkuak tlamotlalo ipan escuelas?”. Uelis tikitas tlenon kijtoua Biblia ipan tlamachtijli “¿Por qué le pasan cosas malas a la gente buena?”.

•    “Tlen ye uejkaui onijkuiloj ipan on Yektlajkuilojli, onijkuiloj para techmachtia. Onijkuiloj para on [...] teyoltlalilistli ma techmaka tlamachalistli itechkopa on Yektlajkuilojli” (Romanos 15:4).

 Tlen kijtoua Biblia mitspaleuis maka melak mamitsajmana nochi tlen panotika. Tla okseki tikneki tikmatis, xkita revista ¡Despertad! “¿Acabará algún día la violencia?”.

 Kemantika ijkuak kokonej kitaj noso kikakij noticias, melak nomojtiaj. Tla tejua tikneki tikinpaleuis mokoneuan maka melak manomojtikan, xkita tlamachtijli “El efecto de las noticias en los niños”.

•    “Yejua kinmanauis on yejuan kintlajyouiltiaj” (Salmo 72:14).

•    “Niman inespadas kinkuepaskej rejas tlen kipiya arado niman inlanzas kinkuepaskej tepostin tlen ika kitekiskej xiujtli. Se país xok kixnamikis okse país ika espada, nion xok nomachtiskej kenon tlaixnamikiskej ipan guerra” (Miqueas 4:3).

 ToTajtsin kichiuas tlen tlaltikpakchanejkej xueli kichiuaj. Ika iTekiuajyo, tlen onka iluikak, kipopolos nochi tlen xkuajli niman tlen ika tlaixnamikij. Tla tikneki tikmatis tlenon más kichiuas iTekiuajyo toTajtsin, xkita tlamachtijli “ITekiuajyo toTajtsin kichiuas maonia yolseuilistli”.