“Maski kokolistli COVID-19 xok más teijtlakoua ken kachtopa, xkijtosneki tla yejuin kokolistli yopopoliuj. [...] Ijkuak okse ueyi kokolistli yejkos, niman tikmatstokej ika kema yejkos, noneki tikmatstoskej tlenon tikchiuaskej” (Tedros Adhanom Ghebreyesus, director general de la Organización Mundial de la Salud, 22 de mayo de 2023).

 Miyekej ok xkuajli pajtij itech seki kokolistin tlen okinkauili kokolistli COVID-19. ¿Ikimatstoskej tekiuajkej niman akin tekitij kampa tlapajtilo tlenon kichiuaskej ijkuak yejkos okse ueyi kokolistli? Noso, ¿ikimatstoskej kenon kinpajtiskej kokolistin tlen aman tikinpiyaj?

 Biblia kijtoua ika toTajtsin “yejuan nemi ne iluikak” kitlalis se tekiuajyotl, niman yejuin tekiuajyotl kipopolos nochi kokolistin (Daniel 2:44). Niman “xok yakaj kijtos: ‘Nikualo’” (Isaías 33:24). Nochimej kuajli nemiskej niman kojtikej yeskej ken ijkuak telpokamej katkaj (Job 33:25).