Ipan nochi tlaltikpaktli, miyekej kitaj melak ouijtika kinextiskej tomintsin tlen ika nopanoltiskej niman mojmostla más ouijtika ken nemij.

•   Se tlamachtijli tlen kemach okis, a okijto ika “ipan nochi tlaltikpaktli xok más miyek tomintsin kitlanij akin tekitij”. Niman tla xitlaj nochiua para noyektlalis, “san sekimej kipiyaskej tomintsin niman oksekimej ka” niman akin xkipiyaj tomintsin uelis “más tlajyouiskej iuan ichanejkauan”.

 ¿Uelis tekiuajkej kipatlaskej tlen panotika? Noso, ¿uelis kipopoloskej yejuin tlauejli?

 Biblia tlajtoua itech se tekiuajyotl tlen kichiuas ika nochimej makipiyakan tlen ika nopanoltiskej niman maka itlaj makinpolo. Kijtoua ika “Dios yejuan nemi ne iluikak kipeualtis sen reino” noso se tekiuajyotl, niman san yejua kiyekanas nochi tlaltikpaktli (Daniel 2:44). Yejuin tekiuajyotl nochimej kinpaleuis (Salmo 9:18). Niman yejuin tekiuajyotl kichiuas ika nochimej makipiyakan tlen noneki niman ijkon yolpakiskej. Nochimej kiseliskej tlen kinmelaua inpampa intekiyo (Isaías 65:21, 22).