San ipan julio de 2022 melak miyekan yonomotlalok:

•   Ipan 10 de julio de 2022, periódico The Japan Times kijtouaya ika miyekej melak onomojtijkej ijkuak okimatkej ika okimiktijkej Shinzo Abe, se político akin kiyekanaya se partido ne Japón. Yejuin melak otemojkatlachialti pampa ne Japón xmás noixnamikilo niman kuajli kitaj akinon uelis kitkitinemis se arma..

•   Ipan 4 de julio de 2022, periódico Reuters okijto ika ne Copenhague, Dinamarca, miyekej melak onomojtijkej ijkuak se tlakatl okinmotlak niman okinmikti yeyimej akin nemiyaj kampa tlanemakalo.

•   Ipan 10 de julio de 2022, periódico The Guardian  okijto ika ne Sudáfrica, sekimej tlakamej okinmotlakej niman okinmiktijkej 15 akin nemiyaj ipan se bar ne Soweto.

•   Ipan 5 de julio de 2022, ipan noticias CBS News onoijto ika ijkuak ne Estados Unidos nopanoltijtoya iluitl ipan 4 de julio, ipantsin 220 omijkej pampa okinmotlakej.

 ¿Uelis tikneltokaskej ika ajsis se tonajli ijkuak xok nochiuas tlen xkuajli? ¿Tlenon kijtoua Biblia itech yejuin?

 Biblia kijtoua ika tinemij ipan se tiempo tlen noixmati ken “itlamiyan tonaltin”, ijkuak miyekej kichiuaskiaj tlen melak xkuajli niman xtetlasojtlaskiaj (2 Timoteo 3:1, 3, Traducción del Nuevo Mundo). Ijkuak yejuamej kichiuaj tlen xkuajli, miyekej melak nomojtiaj (Lucas 21:11). San ika, Biblia noijki kijtoua ika ajsis tonajli ijkuak xok nemiskej akin kichiuaj tlen xkuajli niman tinochimej tinemiskej ika toyojlo (Isaías 32:18). Aman, ¿kenon popoliuis tlen xkuajli nochiua?

 ToTajtsin kinpopolos nochimej akin kichiuaj tlen xkuajli niman nochi armas.

•   “Pero on yejuan xompayejyeuamej [noso akin kichiuaj tlen xkuajli] kinkixtis ipan in tlajli” (Proverbios 2:22).

•   “[ToTajtsin] yokichiu para nochiuiyan ipan in tlaltikpaktli maka maonyaj guerras, yokimpojpostek on arcos, yokimpojpostek on lanzas, niman yokintlatij on carretas de guerra” (Salmo 46:9).

 ToTajtsin nochimej kinmachtis makinekikan yolseujtoskej niman ijkon xok yakaj kichiuas tlen xkuajli.

•   “Ipan nochi iyektepeu toTEKO, xakaj nion on yolkej kijtlakoskej itlaj, nion kichiuaskej tlen xkuajli, pampa ijkon kenon atl kitemiltia on mar, no ijki kixmatiskej toTEKO nochiuiyan ipan in tlaltikpaktli” (Isaías 11:9).

•   Niman desde aman, yejua kinmachtijtika miyekej maka matetlauelitakan niman maka makintekitiltikan armas, niman ijkon “inespadas kinkuepaskej rejas tlen kipiya arado niman inlanzas kinkuepaskej tepostin tlen ika kitekiskej xiujtli” (Miqueas 4:3).

 Tla tikneki tikmatis más itech kenon toTajtsin kichiuas kuali matinemikan, xkita tlamachtijli “¿Es posible librarse del miedo?”.

 Tla tikneki tikmatis kenon popoliuis tlen xkuajli nochiua, xkita tlamachtijli “¡Por fin paz en la Tierra!”.