Ipan 20 de noviembre de 2022, otlan Conferencia de las Naciones Unidas sobre el Cambio Climático (COP27). Ompa okijtojkej ika kitemakaskiaj tomintsin niman ijkon kinpaleuiskej países kampa melak tlaixpoliui. Maski yejuin xkeman panouaya, miyekej xkineltokaj ika yejuin uelis kiyektlalis tlen kijtlakojtika tlaltikpaktli.

•   Ipan 19 de noviembre de 2022, António Guterres, secretario general de las Naciones Unidas, okijto: “Melak niyolpaki pampa onoijto ika notemakaskia tomintsin niman ijkon kinpaleuiskiaj países […]. San ika, xsan yejuin noneki […]. Pampa yejuin tlaltikpaktli ok ixpoliujtika”.

•   Ipan 20 de noviembre de 2022 Mary Robinson, akin katka presidenta ne Irlanda niman akin noijki katka alta comisionada de la ONU para los Derechos Humanos, okijto: “Sa achijtsin poliui ika ipan tlaltikpaktli melak tlaixpoliuis”.

 Miyekej telpokamej niman ichpokamej melak kinmajmana tlen uelis ipan nochiuas tlaltikpaktli ika tlayekapan. ¿Uelis países nopaleuiskej niman ijkon kiyektlaliskej tlen kijtlakojtika tlaltikpaktli? ¿Tlenon kijtoua Biblia?

 Biblia kijtoua ika maski tlaltikpakchanejkej kinekiskiaj kiyektlaliskiaj ken yotlaijtlakauj ipan tlaltikpaktli, xueliskej miyek kichiuaskej. Matikitakan tleka:

•   “No ijki, xakaj uelis kimelajkatlalis on tlen [xmelaktik]” (Eclesiastés 1:15).

   Tlen kijtosneki. Tlen kichiuaj tekiuajkej xnochipa kuajli onkisa pampa xuelij san yejuamej noyekanaj (Jeremías 10:23). Maski países san sekan nopaleuiskiaj niman nokojtiliskiaj kiyektlaliskej tlen kijtlakojtika yejuin tlaltikpaktli xkeman ueliskej tlayektlaliskej.

•   “On tlakamej ijkin nouikaskej: sanoyej notlajsojtlaskej sano yejuamej, sanoyej tominnekiskej, noueyimatiskej [...]. Xkintlajsojtlaskej oksekimej nion xteikneliskej” (2 Timoteo 3:2, 3).

   Tlen kijtosneki. Biblia okijto ika tlaltikpakchanejkej xtetlasojtlaskiaj nion xteikneliskiaj, ika yejon, xkinekiskiaj san sekan tekitiskiaj para kinpaleuiskej oksekimej. ¿Xyejon tlen tikitaj aman?

 Xtikchiaj ika tekiuajkej akin nemij ipan tlaltikpaktli makiyektlalikan tlen yoijtlakauj, pampa toTajtsin yokitlali se tekiuaj akin uelis tlayektlalis, yejua Jesucristo. Yejuin tlen Biblia kijtoua itech:

•   “Yejua tekiuajtis. Niman kixmatiskej ken Ueyi Tlajtolpaleuijketl, toTajtsin Akin kipiya kojtilistli, Tajtli Akin nochipa nemi, iKoneuj Tekiuaj akin kuajkuis Yolseuilistli” (Isaías 9:6, Traducción del Nuevo Mundo).

 Jesús yejua Tekiuaj itech iTekiuajyo toTajtsin, tlen onka ne iluikak (Mateo 6:10). Yejua kojtik, tlamachilise niman kineki kitlajpiyas yejuin tlaltikpaktli niman nochimej akin nikan chantij (Salmo 72:12, 16). Ijkuak yejua tlanauatis kinpopolos nochimej akin kijtlakojtokej yejuin tlaltikpaktli niman tlayektlalis (Apocalipsis 11:18; Isaías 35:1, 7).

 Tla tikneki tikmatis okseki itech kenon popoliuis tlen kijtlakojtika tlaltikpaktli, xpoua tlamachtijli “¿Qué dice la Biblia sobre el cambio climático y nuestro futuro?”.