¿Ix mela’nokta ono’ Dios?
Yej kijto̱wa la Biblia
La Biblia kine̱xtia iga Dios mela’nokta ono’. Ayejsan inó̱n, kine̱xtiá no̱ iga wel matikpiakan fe pan Dios moneki iga «matikmelaʼi̱xmatikan» iga amo mate̱kajkaya̱wakan yej kine̱xtiáj las religiones (1 Juan 5:20; Romanos 12:1). Matikitakan kén kine̱xtiá la Biblia iga Dios melaʼnokta ono’.
Iga pan el universo ono’ orden wan vida kine̱xtiá iga ágaj kichij. La Biblia kijtowa: «Nochi kajli ágaj kichi̱wa, eʼ Dios kichij kuajkuantas, nochi yej onoʼ pan ta̱jli iwá̱n yej onoʼ ajko» (Hebreos 3:4, ITM). Aunke wel tikitaj iga iní̱n razonamiento yawi pux sencillo, kipale̱wijya miak personas yej pux momachtijkej. a
Los seres humanos tiknekij matipa̱kikan pan tovida, wan siga atikchi̱waj timomachi̱liáj pux aye̱kti. Iní̱n deseo ayej iga matikpiakan nochi yej tiknekij sino iní̱n deseo yawi yej la Biblia kitokawiá «iga kite̱mowaj Dios», iní̱n kijtojneki iga maki̱xmatikan wan makiweyichi̱wakan Dios (Mateo 5:3; Revelación[Apocalipsis]4:11). Iga tiknekij matikte̱mokan Dios kijtojneki iga ono’ se̱ Dios yej teneki, yéj te̱chij iga matikte̱mokan wan matiyo̱lpa̱kikan (Mateo 4:4).
Komati profecías de la Biblia mochijkej wan nochi mochij kenga ijkuilijtoya, aunke pux ikiaya iga moijkuilojkej. Iga nochi mochij kenga ijkuilijtoya kine̱xtiá iga ayá̱ witsiá de tajta̱gamej (2 Pedro 1:21).
Yej kijkuilojkej la Biblia achi kimatiáj de ciencia ma̱j ke seu’mej yej vivirojkej pan inó̱n tiempoj. Ken ejemplo, sekin culturas yej ikiapa tajla̱mikiáj iga Ta̱jli onoya pan itepo o iyikpa’ se̱ elefante, se̱ jabalí, se̱ toro o seu’ animal. Pero, la Biblia kijtowa iga Dios «kipilojtoʼ ta̱jli ipan nité̱» (Job 26:7). Wan no̱, kua̱ kine̱xtia kén iforma toplaneta, la Biblia kijtowa iga yawi ken se̱ «círculo» o «globo» (Isaías 40:22; Martín Nieto). Miakejmej personas, kitaj iga ateyi seu’ ma̱j explicación iga yej kijkuilojkej la Biblia wel kimatikej nochi iní̱n iga yajki Dios yej kijlijkej.
La Biblia kitajto̱lkuepa komati tajtanilismej yej mochi̱wiliáj yej akicrero̱waj pan Dios, ken ejemplo: Si Dios kichi̱wa yej ye̱kti wan yawi todopoderoso, ¿te̱ íga pano̱wa yej aye̱kti wan timoyo̱lmiktiáj?¿Te̱ íga la religion kichi̱wa yej aye̱kti? (Tito 1:16.) La Biblia kitajto̱lkuepa iní̱n wan seu’mej tajtanilismej yej mitspale̱wis iga xicre̱ro pan Dios.
a Ken ejemplo, kua̱ tajtowa del universo, el astrónomo Allan Sandage kijtoj: «Nikijtowa iga el orden yej onoʼ awel wits de la nada. Yajki ágaj yej kita̱li el orden. Dios ga néj yawi se misterio, pero yéj yawi yej kine̱xtiá te iga tonokej, wan te iga ono’ komati tejté̱».
Puede que también le interese
XINE̱IXMATIKAN
Xiktajtani iga ágaj mamitspaxa̱lowili
Ximomachti yej timotajtani de la Biblia, o xikmati ma̱j de yej tajto̱lmoya̱waj de Jehová.