LECCIÓN 14

¿Te̱ moneki iga Dios makiye̱ʼita la adoración yej tikmakaj?

XIKAKI PAN

Ken tikitakej pan seuʼ lección, ayá̱ nochi las religiones kiye̱ʼita Dios. Pero wel tikyo̱lpa̱ktiáj to-Creador ken iga tikadora̱rowaj. ¿Kén kineki Dios «matikadora̱ro̱kan» o «te̱ religión» yéj kiye̱ʼita? (Santiago 1:27; TNM, nota). Matikitakan yej kine̱xtiá la Biblia.

1. ¿Kán mone̱xtiá kén matikadora̱ro̱kan Dios?

Pan la Biblia mone̱xtiá kén matikadora̱ro̱kan Dios. Jesús kijlij Dios: «Motájto̱l melaʼcie̱rtoj» (Juan 17:17). Sekin religiones ayá̱ kichi̱waj yej kine̱xtiá Itajto̱l Dios, la Biblia; yejeme̱n kitokaj yej tane̱xtiliáj wan kichi̱waj tajta̱gamej. Pero Jehová akiye̱ʼita kua̱ akichi̱waj yej yéj kijtowa (xiktajto̱lti Marcos 7:9). Pero tejeme̱n, tikyo̱lpaktiáj kua̱ tikchi̱waj yej kijtowa la Biblia.

2. ¿Kén matikadora̱ro̱kan Jehová?

Iga Jehová yej te̱chij, kineki iga yéjsan matikadora̱ro̱kan (Apocalipsis 4:11). Iní̱n kijto̱jneki iga matiknekikan wan matikadora̱ro̱kan yéjsan ise̱lti, amo matiknenti̱kan ídolomej, se̱ imagen o se̱ símbolo (xiktajto̱lti Isaías 42:8).

Toadoración moneki iga mayawi «santo wan makiye̱ʼita Dios» (Romanos 12:1, TNM). Iní̱n kijto̱jneki matinemikan ken yéj te̱ijliá. Ken ejemplo, yej kinekij Jehová kiye̱ʼitaj wan kichi̱waj yej yéj kijtowa de na̱miktilis. Wan no̱ akichi̱waj sekin tejté̱ yej aye̱kti, ken mamodrogaro̱kan, matachichi̱nakan o mata̱wanakan. a

3. ¿Té íga matikadora̱ro̱kan Jehová wan seuʼmej yej no̱ kitajto̱lkakisnekij?

Kua̱ timonechkowaj pan la semana wel tikadora̱rowaj «Jehová [...] pan la congregación» (Salmo 111:1, 2). Wel tikchi̱waj iní̱n kua̱ tikui̱kaj takuikalismej iga Dios (xiktajto̱lti Salmo 104:33). Jehová te̱ijliá iga matimonechko̱kan iga yéj te̱neki wan kimati iga inó̱n tanechko̱lismej te̱pale̱wiá iga matiyo̱lpa̱kikan iga nochipa. Kua̱ timonechkowaj timosen-anima̱rowaj.

MATIMOMACHTI̱KAN MA̱J DE INÍ̱N TEMA

Matikitakan té íga Jehová akineki iga matiknenti̱kan idolojmej iga matikadora̱ro̱kan. Matikitakan kén wel tikadora̱rowaj Dios.

4. Aye̱kti matiknenti̱kan idolojmej iga matikadora̱rokan Dios

¿Kén tikmatij iga Dios akiye̱ʼita inó̱n? Xikitakan el VIDEO wan xitajto̱kan de iní̱n:

VIDEO: ¿Kineki Dios iga matiknenti̱kan idolojmej iga matikadora̱rokan? (3:26)

¿Te̱ panoj ikia kua̱ sekin de ia̱ltepe̱ʼ Jehová kinentijkej se̱ ídoloj iga makadora̱ro̱kan?

Sekin personas momachi̱liáj ma̱j na̱ de Dios siga kinentiáj se̱ ídoloj iga kadora̱rowaj. Pero kua̱ kichi̱waj inó̱n, ¿ayá̱ nemi kirrechaza̱rowaj Dios? Xiktajto̱ltikan Éxodo 20:4-6 wan Salmo 106:35, 36, wan xitajto̱kan de iní̱n:

¿Té objetos religiosos o idolojmej tikita iga la gente kinentiá?
¿Kén kita Jehová iga mamonenti idolojmej?
¿Kén tikita téj iga mamonenti idolojmej?

5. Si tikadora̱rowaj pets Jehová, atekajkayawas yej kicre̱rowaj las religiones falsas

Matikitakan té íga kua̱ tikadora̱rowaj Jehová ken yéj kineki, atekajkaya̱was yej kicre̱rowaj las religiones falsas. Xikitakan el VIDEO.

VIDEO: La verdad ne̱maki̱xtij (5:16)

Xiktajto̱ltikan Salmo 91:14 wan xitajto̱kan de iní̱n:

Si tikne̱xtiliáj Jehová iga tiknekij wan tikadora̱rowaj pets yéj, ¿te̱ kijtowa iga kichi̱was iga tejeme̱n?

6. Tikadora̱rowaj Dios kua̱ timonechkowaj wan la congregación

Kua̱ titakuikaj wan ticomentarowaj pan tanechko̱lismej de la congregación, tikadora̱rowaj Jehová wan timosepan-animarowaj. Xiktajto̱ltikan Salmo 22:22 wan xitajto̱kan de iní̱n:

¿Mitsyo̱lpaktiá los comentarios yej momaka pan tanechko̱lismej?
¿Timomachtisnekiá se̱ comentario wan xicomenta̱ro pan tanechko̱lis?

7. Jehová yo̱lpa̱ki kua̱ tikne̱xtiliáj seuʼmej yej timomachtiáj

Wel tikchi̱waj miak tejté̱ iga matikne̱xtili̱kan seuʼmej yej kine̱xtiá la Biblia. Xiktajto̱ltikan Salmo 9:1 wan 34:1, wan xitajto̱kan de iní̱n:

De nochi yej timomachtij de la Biblia, ¿te̱ tikne̱xtilijnekiá seuʼmej?

YEJ SEKIN KIJTOWAJ: «Si tikchi̱waj yej ye̱kti wel tikadora̱rowaj Dios, kensan tejeme̱n tiknekij».

¿Te̱ tikijtowa téj?

TE̱ TIMOMACHTIJ

Tikyo̱lpa̱ktiáj to-Creador kua̱ tikadora̱rowaj petsan yéj, kua̱ tikadora̱rowaj pan tanechko̱lismej de la congregación wan kua̱ tikne̱xtiliáj seuʼmej yej timomachtijkej.