Jehová kineki matiki̱xmatikan ifamiliaj yej kipiá pan el cielo. Pan iní̱n familiaj onokej a̱ngelmej, yej no̱ moi̱xmatij ken «ipilowa̱n Dios» (Job 38:7). ¿Te̱ kine̱xtiá la Biblia de a̱ngelmej? ¿Kén kipale̱wiáj la gente? ¿Nochi a̱ngelmej yawij de ifamiliaj Dios?

1. ¿A̱ʼ yéj yawij a̱ngelmej?

Achto iga makichi̱wa Ta̱jli, Jehová kichij a̱ngelmej. Ijko̱nsan ken yéj, yawij espíritus o yej awel tikitaj, wan onokej pan los cielos (Hebreos 1:14). Onoʼ millones de a̱ngelmej wan cada sejse̱ yawi diferente (Apocalipsis 5:11). Yejeme̱n «kichi̱waj yej yéj [Jehová] kijtowa wan kitajto̱lkakij yej kiti̱tani» (Salmo 103:20). Ikia, Jehová kichij iga sekin biáj iyangelmej makijto̱kan imensaje, makipale̱wi̱kan wan makima̱nawi̱kan ia̱ltepe̱ʼ. A̱man, a̱ngelmej kiojkuiltiáj yej kitokaj Cristo iga makasikan personas yej kimatisnekij ma̱j de Dios.

2. ¿A̱ʼ yéj yawij Tsitsimiʼ wan idemo̱niojmej?

Sekin a̱ngelmej ayoʼ kichijkej yej Jehová kineki. Yej achto ijkí̱n kichij «kito̱ka̱wiáj Diablo wan Tsitsimiʼ, yej nemi kikajkaya̱wa nochi ta̱jli» (Apocalipsis 12:9, TNM). Tsitsimiʼ kinekiá iga nochi makitokakan, wan kichij iga yej achto ta̱gaʼ wan achto siwa̱ ayoʼ makitajto̱lkakikan Dios. Wan de ompa kichij iga seuʼmej a̱ngelmej ijko̱nsan no̱ makichi̱wakan. Ini̱nmej a̱ngelmej yej ayoʼ kitajto̱lkakikej Dios, moto̱ka̱wiáj demonios. Jehová kiki̱xtij pan el cielo wan kiti̱tan pan Ta̱jli wan yawij poliwitij (xiktajto̱lti Apocalipsis 12:9, 12).

3. ¿Kén te̱kajkaya̱wasnekij Tsitsimiʼ wan idemo̱niojmej?

Tsitsimiʼ wan idemo̱niojmej kikajkaya̱waj komati gente iga el espiritismo wan el ocultismo. Iní̱n tejté̱ yej aye̱kti yej kichi̱waj kina̱techo̱waj kan idemo̱niojmej Tsitsimiʼ. Ken ejemplo, sekin kitajto̱ltiáj horóscopo wan seuʼmej kite̱mowaj adivinos, videntes, curanderos wan brujos. Onokej yej kinekij maya̱kan kan brujojmej iga mamopajtikan. Wan sekin kicre̱roltiáj iga wel tajtowaj wan yej miktokej. Pero Jehová te̱ijliá: «Amo xa̱ka̱n kan brujojmej niga xikte̱mokan adivinos» (Levítico 19:31). Iga yéj kineki mate̱manawi de Tsitsimiʼ wan idemo̱niojmej, iga yawij ienemigojmej wan kinekij mate̱chi̱wilikan yej aye̱kti.

 MATIMOMACHTI̱KAN MA̱J DE INÍ̱N TEMA

6. Xikta̱nili Tsitsimiʼ wan idemo̱niojmej

Tsitsimiʼ kiojkuiltiá los demonios. Pero yej kiojkuiltiá a̱ngelmej fieles yawi el arcángel Miguel, iní̱n seuʼ to̱ka̱ yej kimakakej Jesús. ¿Ke̱ski poder kipiá Miguel? Xiktajto̱ltikan Apocalipsis 12:7-9, wan xitajto̱kan de iní̱n:

• ¿A̱ʼ yéj kipiáj ma̱j poder: Miguel wan iyangelmej, o Tsitsimiʼ wan idemo̱niojmej?

• ¿Tikijtowa iga yej kitokaj Cristo makimajmawili̱kan Tsitsimiʼ wan idemo̱niojmej?

Téj wel tikta̱niliá Tsitsimiʼ wan idemo̱niojmej. Xiktajto̱ltikan Santiago 4:7, wan xitajto̱kan de iní̱n:

• ¿Kén wel timoma̱nawiá de Tsitsimiʼ wan idemo̱niojmej?

 TE̱ TIMOMACHTIJ

A̱ngelmej fieles te̱pale̱wiáj. Tsitsimiʼ wan idemo̱niojmej yawij ienemigojmej Jehová, wan kikajkaya̱waj la gente iga el espiritismo.

Matikejla̱mikikan te̱ timomachtijkej

• ¿Te̱ kichi̱waj a̱ngelmej fieles iga la gente maki̱xmati Jehová?

• ¿A̱ʼ yéj Tsitsimiʼ wan idemo̱niojmej?

• ¿Té íga amo xiknenti tejté̱ yej wi̱ del espiritismo?