PARTE 4
¿Te̱ panoj wan Adán wan Eva iga kikakikej Tsitsimi’?
Adán wa̱n Eva mikikej iga akikakikej Dios (Génesis 3:6, 23)
Eva kichij yej kijlij kowa̱ wa̱n kikuaj ita̱kilyo kuawi’ yej Dios kijlijka iga amo makikuakan. De ompa, Eva kima’ Adán iní̱n ta̱kilyo, wa̱n yéj no̱ kikuaj.
Yej kichijkej yajki aye̱kti, iga akichijkej yej Dios kinekiá makichi̱wakan. Dios kiki̱xti Adán wa̱n Eva pan xo̱chita̱l.
Yejeme̱n wa̱n ipilowa̱n kipanoltijkej aye̱kti pan iyisatolismej. Panoj komati xiwi’, we̱wejtiakej wa̱n mikikej. Ayajkij ajko niga pan seu’ laj; pets tami’san iyisatolismej.
Yej mikij mochi̱waj ta̱jli wa̱n awel kichi̱waj nité̱ (Génesis 3:19)
Nochi timikij iga tiwi̱tse de Adán wa̱n Eva. Yej miktokej atachaj, atakakij wa̱n awel kichi̱waj nité̱ (Eclesiastés 9:5, 10).
Jehová akinekiá iga matimikikan. Achisan poliwi iga Dios makixitij yej miktokej, wa̱n si kitajto̱lkakij, nike̱man mikiskej. Nochipa isatoskej.
