PARTE 6
¿Te̱ tene̱xtiliá yej panoj ke̱man a̱te̱mi’ Ta̱jli?
Dios kipoloj yej akitajto̱lkakikej wa̱n kichij iga Noé, isiwa̱, ipilowa̱n wa̱n isiwa̱monwa̱n amo mamikikan (Génesis 7:11, 12, 23)
Wetsi a̱’ pan cuarenta to̱nalmej wa̱n pan cuarenta tayowaka̱n. A̱te̱mi’ Ta̱jli, wa̱n nochi tajta̱gamej wa̱n siwa̱tkej yej kichijkej yej aye̱kti mikikej.
Angelmej yej akitajto̱lkakikej Dios kikajtejkej Ta̱jli wa̱n inakayo ken ta̱ga’, mokuepakej sej ajko wa̱n moseka̱ntijkej wa̱n Tsitsimi’. Mochi̱wakej iyangelmej.
Amikikej pan a̱te̱milis yej onoyaj pan a̱ka̱l. Wa̱n panoj komati xiwi’, Noé, isiwa̱, ipilowa̱n wa̱n isiwa̱monwa̱n we̱wejtiakej wa̱n mikikej. Dios yawi kichi̱wati iga maisakan, wa̱n makipiakan isatolis iga nochipa.
Awejka ono’ iga Dios yawi sej kipoloti yej kichi̱waj yej aye̱kti wa̱n kimakas nochipa isatolis yej kitajto̱lkakij (Mateo 24:37-39)
Tsitsimi’ wa̱n iyangelmej nemij kite̱mowaj kén tajta̱gamej wa̱n siwa̱tkej amo makikakikan Jehová.
A̱man, komati tajta̱gamej wa̱n siwa̱tkej akitajto̱lkakij Jehová, ken panoj ke̱man onoya Noé. Awejka ono’ iga Dios makipolo nochi yej kichi̱waj yej aye̱kti (2 Pedro 2:5, 6).
A̱man no̱ ono’ tajta̱gamej wa̱n siwa̱tkej kensan Noé wa̱n kichi̱waj yej Dios kineki. Moi̱xmati ken yej tajto̱lmoya̱waj de Jehová.
Puede que también le interese
A̱MATAJKUILO̱LMEJ WAN A̱MATAJKUILO̱LTSITSIN
¿Pan a̱ʼyéj ima̱ onoʼ iní̱n ta̱jli?
Yej kijtowa Itajto̱l Dios anka achto biaj iga tikaki. Xikita kén mitsye̱chi̱was a̱man wan taíxpan.
