Xiktemowi:

• Partitura

1. 1. Pux taye̱kan iní̱n día,

   te-ijista̱ mixtimej,

   to̱totsitsi̱n takuiktokej

   wan tikchi̱xtokej yej isaskej

   Kenkua̱ nikochte̱miki;

   ne̱paktiá nochi iní̱n.

   Niknekiá maasiya

   wan pux na̱’ya onoya.

2. 2. Pan iní̱n ta̱jli monsajti

   nikpiá ka̱n nimochantiá,

   ompa we̱ya̱ pux mokaki,

   motalojto’ yej chipakti a̱’.

   Mochi̱wa yej nikto̱ka

   wan nomilpan nikpixkas.

   Monsajta̱jli niknekiá

   wan pux na̱’ya onoya.

   (PUENTE)

   Pux ye̱kti kén nimochantiá,

   iní̱n yej nej nikchi̱xtoya.

   Niágaj miki, nochimej

   chokomej sej mochi̱wakej.

3. 3. Tonochimej tiyo̱lpa̱kij,

   ta-ajwiya̱ nochi la̱j.

   Iní̱n día pux taye̱kan

   wan tikchi̱xtokej yej tiknekij.

   Kine̱xtiá Dios ga te̱neki

   wan tiktasojka̱makaj.

   Niknekiá maasiya

   wan pux na̱’ya onoya.

   (PUENTE)

   Ayi̱’ nimits-elka̱wakej

   wan a̱man tisen-onokej.

   Tipa̱kij sej tonochimej;

   nochipa tisen-onoskej.

4. 4. Áchisan poliwi

   iga nochi mochi̱was.

   Tikitaskej monsajta̱jli

   yej kijtowa pan Itajto̱l Dios.

   Wan nike̱man nej nisiawis,

   anikajte̱was Jehová;

   yej kijtowa kichi̱was.

   Monsajta̱jli na̱’ya ono’.