Ē, ko e fakalataha tokoua ko laua ni he pō ka e nakai fai kakano aoga ko e fakamooliaga malolō kua taute e laua e mahani feuaki. Ato ha ha i ai e tau kakano aoga mogoia, kua lata ke fai komiti fakafili.​—1 Korinito 6:18.

Kua lata e matakau he tau motua ke fakatutala fakahokulo ke he tau tuaga takitaha ke fifili kua lata ke fai po ke nakai lata ke fai komiti fakafili. Ma e fakatai: Kua fai magaaho kia he kapitiga lotofakavihi a laua? Fakatonu kia he tau motua a laua he tau mogo kua mole ke he puhala ne femahaniaki a laua? Ko e ha ne fakalataha tokoua a laua he pō? Pulega tuai kia a laua ke taute pihia? Fai puhala foki nakai a laua, po ke fai mena ne tupu ne nakai amanaki a laua ki ai, tuga ko e taha mena tupu fakaofo po ke fakamafiti ti nakai fai puhala foki a laua ka e fakalataha tokoua ke he pō? (Fakamatalaaga 9:11) Momohe a laua i fe? Kehekehe e tau tutūaga, ti liga ha ha i ai e tau vala tala foki ka lauia e fifiliaga he tau motua.

Ka oti e fakatutala he matakau he tau motua ke he vala tala katoa, to fifili ai kua lata po ke nakai lata ke fai komiti fakafili.