Tau Manamanatuaga Nofomau

HE TAU TAU takitaha, kua fakapotopoto auloa e Tau Fakamoli a Iehova ke he tau toloaga mo e fonoaga Kerisiano he tau motu ni ha lautolu. Kua fiafia a lautolu ke taute e mena nai he ha ha i ai e tau fakaakoaga fakaagaga mo e fakalatahaaga fakamalolo. Ka e falu a faahi he tau fakapotopotoaga ha lautolu kua maeke ke nofomau mo e tau faoa ne tolo ki ai.

Ha ha ia Iulai 1999, he fakatai, ne tokoafe e Tau Fakamoli i Mosamipike ne tolo ke tolu e aho fakaakoaga ke he Fonoaga Fahimotu “Kupu Faka-Perofeta he Atua.” Tokologa ia lautolu ne o ne fakalataha laia a lautolu ke he fonoaga. Nakai ni nava e lautolu e tau kupu ne logona e lautolu mai he tau lauga ka kua pihia foki mo e tau mena ne kitia i ai e lautolu.

Talahau e taha tagata hagaao ke he Fale Toloaga i Maputo: “Nakala kitia e au taha fale fuluola pehenai he moui haku! Ha ha i ai he tau poko holoholo lima e magamoli mo e tau fakaata, ti manogi mea foki. Ha i ai e mahani mafola mo e nakai fai fanau ne fetauaki. Mo e nakai fai ne fepokaaki! Ne kitia e au e tau fuata ne fiafia mo e fakatutala fakalataha. Nava foki e au e tau tauteuteaga mitaki he tau tagata oti i ai. He tau magaaho ka hau, to tamai e fanau haku mo e tala age ke he tane haku kua lata ia mautolu ke fakalataha auloa ke he fonoaga e.”

E, ko e mahani fakamoli, mo e mahani hakohako, lafi mo e meaaga he tau tino he Tau Fakamoli a Iehova ne kua kitia maali. Ko e ha kua kehe e Tau Fakamoli? Ha kua lali fakalahi a lautolu ke fakagahuahua e tau mena ne ako mai e lautolu he Tohi Tapu. Ka e ha he fakapotopoto fakalataha mo lautolu he tau nei ke he tau fonoaga fahimotu ha lautolu po ke tau feleveiaaga fahitapu ha lautolu he tau Fale he Kautu ke kitia ni ma hau?

[Fakatino he lau 32]

SAMIPIA

[Fakatino he lau 32]

KENIA

[Fakatino he lau 32]

MOSAMIPIKE