Nakai tufuga he Atua e Tiapolo. Ka e tufuga he Atua e agelu ne hoko ke he mogo fakamui ti eke mo Tiapolo, ne iloa foki ko Satani. Hagaao a Iesu ke he taha magaaho ne vagahau fakamooli mo e nakai agahala e Tiapolo. Ke he kamataaga, ko e Tiapolo ko e tama fakaagelu tututonu he Atua.​​—Totou Ioane 8:44.

Ko e agelu ne eke mo Tiapolo ne fifili ke totoko e Atua mo e fakaohooho e hoa mau fakamua ke fakalataha mo ia. Ne eke e ia a ia mo Satani ne kakano ko e “Totoko.”​​—Totou Kenese 3:1-5; Fakakiteaga 12:9.

Tuga ne laulahi he tau mena momoui lotomatala he Atua, ko e agelu ne eke mo Tiapolo ne atāina ke fifili ke taute e mena kua hako mo e mena kua hepe, ka e feaki e ia e manako ke tapuaki ki a ia. Ko e manako haana ma e lilifu ne malolō lahi ke he manako haana ke fakafiafia e Atua.​​—Totou Mataio 4:8, 9; Iakopo 1:13, 14.

Matutaki fēfē e Tiapolo ke fakaohooho e tau tagata? Lata nakai a koe ke matakutaku ki a ia? Maeke a koe ke moua e tau tali ke he tau hūhū nei he Tohi Tapu.