Ne fakatutala he fakaakoaga kua mole, nakai fiafia e Atua ke he tau lotu oti. Ka e maeke a tautolu ke tapuaki ke he Tufuga he puhala kua fakafiafia a ia. Ko e heigoa “e oma [po ke, tapuakiaga]” kua fakafiafia e Atua? (Iakopo 1:27) Manamanatu ke he mena ne fakaako he Tohi Tapu.

1. Kua lata ke fakavē ke he heigoa e tapuakiaga ha tautolu?

Kua lata e tapuakiaga ha tautolu ke fakavē ke he Tohi Tapu. Pehē a Iesu ke he Atua: “Ko e hau a kupu ko e kupu moli haia.” (Ioane 17:17) Falu lotu ne fakaheu e kupu mooli he Kupu omoomoi he Atua ko e Tohi Tapu. Hukui e lautolu aki e tau fakaakoaga mo e tau puhala toka tuai he tau tagata. Ka e nakai fiafia a Iehova ki a lautolu ne “eke . . . e puaki he Atua, mo mena nakai aoga.” (Totou Mareko 7:9.) He taha faahi, fakafiafia e tautolu e Atua ka fakavē e tapuakiaga ke he Tohi Tapu mo e muitua e tau fakatonuaga i ai.

2. Lata a tautolu ke tapuaki fēfē ki a Iehova?

Lata ke tapuaki hokoia ni ki a Iehova ha ko ia ko e Tufuga ha tautolu. (Fakakiteaga 4:11) Kakano e mena nei kua lata a tautolu ke fakaalofa mo e tapuaki hokoia ni ki a ia, ti nakai fakaaoga e tau mena fakatai, tau tupua tā, po ke tau fakatino.​—Totou Isaia 42:8.

Lata e tapuakiaga ha tautolu ke ‘tapu mo e talia’ ki a Iehova. (Roma 12:1) Kakano ai, kua lata a tautolu ke momoui fakatatau ke he tau tuaga haana he mahani. Ma e fakatai, ko lautolu kua fakaalofa ki a Iehova ne fiafia mo e omaoma ke he tau tuaga haana he fakamauaga. Ti kalo kehe ai he tau gahua matematekelea, tuga e ula tapaka po ke fakaaoga fakahehē he tau tulaki kona po ke kava. a

3. Ko e ha kua lata ke tapuaki auloa mo e tau matakainaga ki a Iehova?

Ko e tau feleveiaaga ha tautolu he tau faahi tapu takitaha ko e magaaho ke “fakaheke . . . kia Iehova . . . katoa mo e fakapotopotoaga.” (Salamo 111:1, 2) Taha puhala ke taute e tautolu e mena nei ko e lologo fakaheke ke he Atua. (Totou Salamo 104:33.) Talahau e Iehova ke o atu ke he tau fakapotopotoaga ha kua fakaalofa a ia ki a tautolu mo e iloa e ia to lagomatai ai ki a tautolu ke moua e moui tukulagi. Ka feleveia auloa mo e fefakamafanaaki, to aoga ki a tautolu.

 KUMIKUMI FAKAHOKULO

4. Nakai lata a tautolu ke fakaaoga e tau tupua tā he tapuakiaga

5. Ko e tapuaki hokoia ni ki a Iehova ka fakatokanoa mai he tau manatu fakavai

 6. Tapuaki a tautolu ke he Atua he tau fakapotopotoaga

Fakaheke a tautolu ki a Iehova mo e featihake ha ko e lologo mo e tau tali he fakapotopotoaga. Totou Salamo 22:22, ti tutala ke he tau hūhū nei:

• Fiafia nakai a koe he logona e tau tali he tau fakapotopotoaga?

• Manako nakai a koe ke tauteute ke talahau e tali?

7. Fiafia a Iehova ka talahau e tautolu e tau mena ne fakaako

Loga e puhala ka fakailoa e tautolu e kupu mooli he Tohi Tapu ke he falu. Totou Salamo 9:1 mo e 34:1, ti tutala ke he hūhū nei:

• Ko e heigoa e mena kua fakaako e koe he Tohi Tapu ka manako a koe ke tala age ke he taha tagata?

 MANATU KATOA

Fakafiafia e tautolu e Tufuga ka tapuaki hokoia ni ki a ia, fakaheke a ia he tau fakapotopotoaga, mo e tala age ke he falu e tau mena ne fakaako e tautolu.

Liu Fakamanatu

• Fakaako fēfē e tautolu e puhala ke tapuaki fakahako ke he Atua?

• Ko e ha kua lata a tautolu ke tapuaki hokoia ni ki a Iehova?

• Ko e ha kua lata a tautolu ke tapuaki mo e falu kua manako ke fakafiafia e Atua?