He lalolagi katoa, kehekehe e tau manatu he tau tagata ke he kava. Fiafia e falu he inu mo e tau kapitiga he falu magaaho. Falu ne fifili ke nakai inu. Ka e inu e falu ti konahia. Ko e heigoa e onoonoaga he Tohi Tapu ke he kava?

1. Hepe kia ke inu kava?

Nakai pā he Tohi Tapu e inu kava. Ka e tohi e tau mena fakaalofa loga he Atua ne foaki mai ma tautolu, putoia he Tohi Tapu e “uaina ke fakafiafia ai e tau loto he tau tagata.” (Salamo 104:14, 15) Totoku he Tohi Tapu e falu tagata fakamooli ne inu kava.​—1 Timoteo 5:23.

2. Ko e heigoa e fakatonuaga ne foaki he Tohi Tapu ki a lautolu kua fifili ke inu?

Nakai talia he Atua e inu lahi mo e konahia. (Kalatia 5:21) Pehē e Kupu haana: “Ua eke a koe mo taha ia lautolu kua inu lahi ke he uaina.” (Tau Fakatai 23:20) Ka fifili a tautolu ke inu auloa po ke inu tokotaha, nakai lata a tautolu ke inu lahi ti nakai maeke ke manamanatu fakamitaki, tautaofi e tau kupu mo e tau mahani, po ke fakahagahaga kelea e malolō tino. Ka nakai maeke a tautolu ke tautaofi e inu kava, lata a tautolu ke eketaha ke oti e inu kava.

3. Fakalilifu fēfē e tautolu e fifiliaga he falu ke he kava?

Igatia e tagata ke fifili ke inu po ke nakai inu kava. Nakai lata a tautolu ke fakafili e tagata kua inu fakalatalata e kava, ti nakai lata a tautolu ke fakaohooho e tagata ke inu ka nakai manako. (Roma 14:10) Fifili a tautolu ke nakai inu ka lekua e mena ia ke he falu. (Totou Roma 14:21.) “Aua neke kumi e [tautolu] e mitaki hana ni, ka kia . . . kumi e mitaki he falu.”​—Totou 1 Korinito 10:23, 24.

 KUMIKUMI FAKAHOKULO

4. Fifili a koe ke inu po ke nakai

Fēfē e onoonoaga ha Iesu ke he inu kava? Ke iloa e tali, manamanatu ke he mana fakamua ne taute e ia. Totou Ioane 2:1-11, ti tutala ke he tau hūhū nei:

• Mai he mana nei, ko e heigoa ne fakaako e tautolu ke he onoonoaga ha Iesu ke he kava mo lautolu kua inu ai?

• Ha kua nakai pā e Iesu e inu he kava, lata ke fēfē e onoonoaga he Kerisiano ke he tagata kua fifili ke inu kava?

Ha kua atāina e Kerisiano ke inu e kava, nakai kakano e mena nei kua hako tumau ma haana ke inu kava. Totou Tau Fakatai 22:3, ti manamanatu ke he tau puhala nā ka omoomoi a koe ke inu po ke nakai inu:

• Fakaholo a koe po ke fakagahua he matini.

• Fatu a koe.

• Poaki e ekekafo ki a koe ke ua inu kava.

• Uka a koe ke tautaofi e lahi he kava haau ka inu.

• Nakai fakaatā he matafakatufono a koe ke inu e kava.

• Ko koe mo e taha tagata ne fifili ke nakai inu ha kua uka a ia ke tautaofi e inu kava haana he mogo fakamua.

Lata nakai a koe ke fakaatā e kava he aho mau po ke falu fakafiafia foki? He kitia e mena ka lagomatai a koe ke fifili, tā e VITIŌ.

Totou Roma 13:13 mo e 1 Korinito 10:31, 32. He oti e totou he tau kupu Tohi Tapu, tutala ke he hūhū nei:

• Maeke fēfē e fakagahua he matapatu fakaakoaga nei ke lagomatai a koe ke taute e fifiliaga kua fakafiafia a Iehova?

 5. Fifili e lahi he mena haau ka inu

Ka fifili a koe ke inu e kava, manatu e mena nei: Fakaatā e Iehova e inu he kava, ka e nakai fakaatā e ia ke molea e inu. Ko e ha? Totou Hosea 4:11, 18, ti tutala ke he hūhū nei:

• Ko e heigoa ka tupu ka inu lahi e tagata?

Kalo kehe fēfē a tautolu he inu lahi? Lata a tautolu ke fakatokolalo, po ke fakalatalata. Totou Tau Fakatai 11:2, ti tutala ke he hūhū nei:

• Ko e ha ko e manatu mitaki ke fakakaupā e lahi he mena haau ka inu?

6. Kautū he ua fakaaoga fakahehē e kava

 MANATU KATOA

Foaki mai e Iehova e kava ke fiafia ai a tautolu, ka e nakai fakaatā e ia ke molea e inu mo e konahia.

Liu Fakamanatu

• Ko e heigoa e onoonoaga he Tohi Tapu ke he kava?

• Ko e heigoa e tau hagahagakelea he inu lahi?

• Fakalilifu fēfē e tautolu e tau fifiliaga he falu hagaao ke he inu kava?