Ungayiphendula njani imibuzo eseenThaleni zaka-2019?

Sitjho ukuthini isithembiso sakaZimu esithi: “Akunasikhali esibekelwe wena esizakuphumelela”? (Isa. 54:17)

Singaqiniseka ngokuthi uZimu uzosivikela emimoyeni etjhabalalisako “nesiwuruwu esitjhayisana neboda.” (Isa. 25:4, 5) Amanabethu angekhe asilimaza unomphela.—w19.01, kk. 6-7.

Indlela uJehova asebenzelana ngayo namaKanana kunye nama-Israyeli angalaleliko yabuveza njani ubulungiswa bakhe?

UZimu wabajezisa labo ebebahlanganyela ezenzweni zomseme ezisilapheleko namkha ebebahlunguphaza abantu bengubo nabantwana. Wababusisa abantu ebebamhlonipha nebebaphatha abanye ngobulungiswa.—w19.02, kk. 22-23.

Kufuze senzeni nakuthandaza umuntu ongakholwako?

Kufuze sithule begodu sihloniphe kodwana akukafaneli sithi “amen” namkha sibambane ngezandla nalabo abathandazako. Ngesikhatheso singathandaza ngehliziyo.—w19.03, k. 31.

Inamandla kangangani indaba yokutlhoriswa kwabantwana?

Ukutlhoriswa kwabantwana kusisono esimbi kungazimbi, ebandleni, emphathimandleni nakuZimu. Lokha umthetho karhulumlende nawuthi kufuze kubikwe ukutlhoriswa, abadala bayawulalela.—w19.05, kk. 9-10.

Singawatjhugulula njani amandla alawula imikhumbulwethu?

Esingakwenza: Kuthandaza kuJehova. Kuzindla begodu sithuthukise ubuntu bethu. Kukhetha abangani ngokuhlakanipha.—w19.06, k. 11.

Khuyini esingayenza bona sizilungiselele nje ukuqalana nokuhlunguphazwa?

Kufuze siqinise ubuhlobo bethu noJehova. Sithembe ukuthi uyasithanda begodu angeze asilahla. Funda iBhayibheli qobe lilanga begodu uthandaze. Qiniseka ngokuthi iinthembiso zomBuso kaZimu zizokuzaliseka. Linga ukwazi ngehloko imitlolo neengoma zomBuso ozithandako.—w19.07, kk. 2-4.

Khuyini esingayenza bona sisize iinhlobo zethu zisindiswe?

Kuqakathekile ukuzwela abantu, indlela esiphila ngayo kufuze ibasize balotjhe uZimu, kufuze sibabekezelele begodu sikhethe kuhle amagamethu nasikhuluma nabo.—w19.08, kk. 15-17.

Sivuseleleka njani njengombana uJesu atjho kuMatewu 11:28?

Sinabatlhogomeli abamaKrestu abasithandako nabasirholako, ababangani abakhulu begodu senza umsebenzi ophuma phambili.—w19.09, k. 23.

UJehova uzosipha njani isifiso namandla wokusebenza? (Flp. 2:3)

Nasifunda iliZwi lakaZimu besizindle ngalo uzosipha amandla, asenze sifise ukwenza intandwakhe begodu asiphe namandla wokuyenza. Ummoyakhe uzosisiza sithuthukise amakghonwethu.—w19.10, k. 21.

Ngimaphi amagadango esingawathatha ngaphambi kokwenza isiqunto?

Singathatha amagadango amahlanu: Yenza irhubhululo. Thandaza ubawe ukuhlakanipha. Hlolisisa iinsusa zakho. Zibekele imigomo enqophileko. Zibekele imigomo ongayifikelela.—w19.11, kk. 27-29.

Kghani indaba yokungafi komphefumulo yathoma kilokho uSathana akutjela u-Eva?

Awa akusinjalo, uSathana watjela u-Eva ukuthi angeze ahlongakala ingasi ukuthi kuzokubonakala ngasuthi uhlongakele. Azikho iimfundiso zamala zeenkolo ezasala ngesikhathi somThwalela. Ikolelo yokungafi komphefumulo kungenzeka yasabalala ebantwini ebebakha umbhotjhongo weBhabheli.—w19.12, k. 15.