“UmBuso Wakho Awufike”—Umthandazo Othandazwa Ziingidi Zabantu
Kghani khewathandazela umBuso kaZimu bona ufike? Sekudlule amakhulu weminyaka iingidi zabantu zithandaza zithi “umBuso wakho awufike.” Kubayini zithandazela umBuso kaZimu bona ufike? Kungombana uJesu watjela abalandeli bakhe bona bathandazele umBuso kaZimu.
Ekuthomeni, abalandeli bakaJesu bebangazwisisi yoke into ebekabatjela yona ngokuphathelene nomBuso kaZimu. Ngelinye ilanga bambuza bathi: “Kosi, ingabe esikhathinesi sewuzowubuyisela umbuso ku-Israyeli na?” Bamangala uJesu nakangabatjeli ipendulo ngokunqophileko ukuthi umBuso kaZimu uzokufika nini. (IzEnzo 1:6, 7) Kghani lokho kutjho ukuthi angekhe sazi ukuthi umBuso kaZimu uyini begodu uzokufika nini? Awa, akusinjalo!
IsiThalesi sizokusiza ufumane iimpendulo zemibuzo elandelako:
Kubayini sitlhoga umBuso kaZimu?
Ngubani iKosi yomBuso kaZimu?
UmBuso kaZimu uzokuthoma nini ukubusa ephasini?
UmBuso kaZimu uzobenzelani abantu?
Kubayini kufuze ukhethe ukusekela umBuso kaZimu kusese nje?
Uyini umBuso kaZimu?
Okhunye Ongakuthabela
ISITHALA
Kubayini Sithandazela Ukufika KomBuso KaZimu?
Khuyini ezokwenziwa mbuso kaZimu aborhulumende babantu engeze bakghona ukuyenza?
IIMFUNDISO ZEBHAYIBHELI EZIQAKATHEKILEKO
Uyini UmBuso KaZimu?
Emsebenzinakhe wokutjhumayela, uJesu wafundisa ngomBuso kaZimu ukudlula nanyana ngiyiphi indaba. Sekuminyaka eminengi, abalandeli bakhe bathandazela umBuso loyo bona uze.
