“Ukugandeleleka komkhumbulo okuhlangana kwabantu abatjha yinto erhabileko begodu silemuke ukuthi neenkundla zokuthintana zinomthelela omkhulu kikho.”—Ngokwaka-Dr. Vivek Murthy, U.S. surgeon general, New York Times, kaJuni 17, 2024.

 Ababelethi bangabavikela njani abantwababo eengozini zezokuthintana? IBhayibheli linikela iseluleko esilisizo.

 Cabanga ngeenkambisolawulo zeBhayibheli nanzi.

 “Ohlakaniphileko ucabangisisa ngalokho azokwenza.”—IzAga 14:15.

 Ngebanga lokuthi zokuthintana zingaba nomthelela omumbi emntwanenakho, akukafuzi uzizwe ukatelelekile bona uvumele umntwanakho asebenzise iinkundla zokuthintana. Ngaphambi kokobana uvumele umntwanakho azisebenzise, qiniseka ukuthi ukhule ngokwaneleko begodu uzokwazi ukulandela imithetho yokuthi ungena isikhathi esingangani eenkundleni zokuthintana, uzokukghona ukuragela phambili anabangani abahle, abalekele namahlelo angakafaneli.

•   Bona ufumane okungeziweko, funda isihloko esithi, “Should My Child Use Social Media?” nesithi, “Teaching Your Teenager Social Media Safety.”

 ‘[Sisebenzise] kuhle isikhathi sakho.’—Efesu 5:16.

 Nange uvumela umntwanakho asebenzise iinkundla zokuthintana, beka imithetho yokuthi uzozisebenzisa njani, uhlathulule nendlela lokhu okuzomvikela ngayo. Tjheja nanyana ngimaphi amatjhuguluko aba khona emntwanenakho angatjengisa ukuthi utlhoga ukuphungula isikhathi asisebenzisa kezokuthintana.

•   Sebenzisa ividiyo yapopayi abadwebako ethi, Sebenzisa Zokuthintana Ngendlela Efaneleko ukusiza umntwanakho azwisise ukuthi kubayini kuqakathekile ukulawula indlela esisebenzisa ngayo iinkundla zokuthintana.

 IBhayibheli lithi siphila ‘eenkhathini ezibudisi okubudisi ukuqalana nazo.’ (2 Thimothi 3:1-5) Kodwana linikela iseluleko esilisizo esingasisebenzisa sikghone ukuqalana nazo. Kuneencwadi ezisekelwe eBhayibhelini ezingaphezu kwama-20 ababelethi nabantwababo abangazifumana esihlokwenesi ezikhuluma ngokugandeleleka komkhumbulo kwabantu abatjha.