“Nje sikhathi sokwenza ubujamobu bubengcono begodu bungabi yingozi khulu. Nje sikhathi sokuzibamba,” kutjho uNobhala-jikelele we-United Nations u-António Guterres malungana nokusahlelwa kwe-Israel yi-Iran ngoMgqibelo, Apreli 13, 2024.

 Okwenzekakokhu kungesinye isibonelo salokho okwenzeka ephasini loke.

 “Nje kunezipi ezinengi ezenzekako ephasini ukudlula lezo ezibe khona kusukela ngePi yePhasi yesiBili begodu zithinta abantu abamabhiliyoni amabili, okutjho umuntu munye kwabane.”—Ngokwe-United Nations Security Council, Janabari 26, 2023.

 Iinarha ezibandakanyeke ezipinezi yi-Israel, iGaza, i-Syria, i-Azerbaijan, i-Ukraine, i-Sudan, i-Ethiopia, i-Niger, i-Myanmar ne-Haiti. a

 Kuzokuphela nini ukulwa? Kghani ababusi bazokuletha ukuthula? Lithini iBhayibheli?

 Ukulwa okukhona ephasini loke namhlanjesi kutjengisa ukuthi ingasikade zoke izipi zizokuphela. Izipezi zizalisa isiphorofido seBhayibheli esimalungana nesikhathi esiphila kiso. IBhayibheli lisibiza ngokuthi sikhathi ‘sokuphela kwephasi.’—Matewu 24:3.

•   “Nizokuzwa ngezipi nemibiko yezipi. . . . Isitjhaba sizokulwa nesitjhaba, umbuso ulwe nombuso.”—Matewu 24:6, 7.

 Funda isihloko esithi, “Zibonakala Ngani ‘Izinsuku Zokugcina,’ Noma ‘Isikhathi Sokuphela’?” ukubona ukuthi izipi ezenzeka namhlanjesi zisizalisa njani isiphorofido seBhayibheli.

 IBhayibheli libikezela ngokupheliswa kwezipi. Kuzokwenzeka njani lokho? Ingasi ngemizamo yabantu kodwana nge-Arimagedoni, ‘ipi yelanga elikhulu lakaZimu uMninimandla Woke.’ (IsAmbulo 16:14, 16) Ngepi le uZimu uzokuzalisa isithembiso sakhe sokulethela abantu ukuthula okungapheliko.—IRhubo 37:10, 11, 29.

 Ukufunda okungeziweko malungana nokuthi ipi kaZimu izoziqeda njani zoke izipi, funda isihloko esithi, “Iyini Impi Ye-Armagedoni?”