Yokuthoma YeenKronike 4:1-43
4 Amadodana kaJuda bekunguPeretsi,+ uRhetsironi,+ uKarimi, uRhuri+ noTjhobali.+
2 UReyaya indodana kaTjhobali waba nguyise kaJarhathi; uJarhathi waba nguyise ka-Arhumayi noLarhadi. Le bekumindeni yamaTsora.+
3 Laba bekumadodana kayise* ka-Ethamu:+ NguJizriyela, uYitjhima noJidibhatjhi (igama lakadadwabo bekunguHatsileliponi),
4 uPhenuweli bekanguyise kaGedori, u-Etseri anguyise kaRhutjha. Laba bekumadodana kaRhuri,+ izibulo laka-Efrata begodu anguyise kaBhetlehema.+
5 U-Atjhirhuri+ uyise kaTekhowa+ bekanabafazi ababili, uRhela noNara.
6 UNara wambelethela u-Arhuzamu, uRheferi, uTemeni no-Arhatjhitari. Laba bekumadodana kaNara.
7 Amadodana kaRhela bekunguTserethi, uJitsihari no-Ethinani.
8 UKotsi waba nguyise ka-Anubi, uTsobeba nemindeni ka-Arharirheli indodana kaHarumu.
9 UJabetsi bekahlonipheke khulu ukudlula abafowabo; unina wamthiya ngokuthi nguJabetsi,* wathi: “Ngimbelethe ngiseenhlungwini.”
10 UJabetsi wabiza uZimu ka-Israyeli, wathi: “Kwanga ungangibusisa, wandise indawami, isandla sakho sibe nami begodu ungivikele ehlekeleleni bona ingangilimazi!” Nje-ke uZimu wamnikela akubawileko.
11 UKelubi umfowabo kaTjhurha waba nguyise kaMerhiri, obekanguyise ka-Etjhitoni.
12 U-Etjhitoni waba nguyise kaBethe-Rafa, uPaseyarha noTerhina, uyise kaNarhatjhi. Laba bekumadoda weReka.
13 Amadodana kaKhenazi bekungu-Otiniyeli+ noSeraya, indodana ka-Otiniyeli bekunguRhatathi.
14 UMewonotayi waba nguyise ka-Ofira. USeraya waba nguyise kaJowabi uyise wabantu beGerharatjhimu,* babizwa njalo ngombana bebaziinsebenzi zobukghwari.
15 Amadodana kaKalebi+ indodana kaJefune bekungu-Iru, u-Ela noNamu; indodana ka-Ela bekunguKhenazi.
16 Amadodana kaJehaleleli bekunguZifu, uZifa, uTiriya no-Asariyeli.
17 Amadodana ka-Ezra bekunguJeteri, uMeredi, u-Eferi noJaloni; wazithwala* begodu wabeletha uMiriyamu, uTjhamayi noYitjhibharhi uyise ka-Etjhitemowa.
18 (Umkakhe omJuda wabeletha uJeredi uyise kaGedori, uRhebheri uyise kaSoko noJekhutiyeli uyise kaZanowarhi.) Laba bekumadodana kaBhitiya indodakazi kaFaro, obekatjhadwe nguMeredi.
19 Amadodana womkaHodiya udadwabo kaNarhamu, bewaboyise bakaKeyila umGarimu no-Etjhitemowa umMakathi.
20 Amadodana kaTjhimoni bekungu-Amnoni, uRina, uBhen-Rhanani noTiloni. Amadodana kaYitjhi bekunguZorhethi noBhen-Zorhethi.
21 Amadodana kaTjhela+ indodana kaJuda bekungu-Eri uyise kaLeka, uLada uyise kaMaretjha, nemindeni yeensebenzi zetjhila lezinga eliphezulu zendlu ka-Atjhibeya,
22 noJokhimu, amadoda weKozeba, uJowatjhi noSarafu, ababa madoda wabafazi bakwaMowabi, noJatjhubi-Lehema. Le mininingwana ebulungiweko yekadeni.*
23 Bebababumbi abahlala eNethayimu neGedera. Bebahlala lapho begodu basebenzela ikosi.
24 Amadodana kaSimiyoni+ bekunguNemuweli, uJamini, uJaribi, uZerarhi noSawula.+
25 Indodana kaSawula bekunguTjhalumu, yena waba nguyise kaMibisamu, uyise kaMitjhima.
26 Amadodana kaMitjhima bekunguRhamuweli, indodanakhe kunguZakuru, indodanakhe kunguTjhimeyi.
27 UTjhimeyi bekanamadodana ali-16 namadodakazi asithandathu; kodwana abafowabo bebanganamadodana amanengi, awukho namunye umndenabo ebewunamadodana amanengi njengawamadoda wakwaJuda.+
28 Bebahlala eBheritjheba,+ eMolada,+ eRhatsari-Tjhuwali,+
29 eBhilirha, e-Etsemu,+ eToladi,
30 eBhetuweli,+ eRhorema,+ eTsikhilagi,+
31 eBhethe-Marikabothi, eRhatsari-Susimu,+ eBhethe-Bhiri neTjharayimi. La bekumadorobhabo bekwaba sikhathi sokubusa kwakaDavida.
32 Bebahlala e-Ethamu, e-Ayini, eRimoni, eTokeni ne-Atjhani,+ okumadorobho amahlanu,
33 kunye neendawo ebebahlala kizo ebezibhode woke amadorobho la ukuyokufika eBhali. Lapha kulapho ebebatloliswe khona ngokwemindenabo nangokweendawo ebebahlala kizo.
34 UMetjhobabi, uJamleki, uJotjha indodana ka-Amaziya,
35 uJuweli, uJehu indodana kaJotjhibiya indodana kaSeraya indodana ka-Asiyeli,
36 u-Eliyowenayi, uJakhobha, uJetjhorhaya, u-Asaya, u-Adiyeli, uJesimiyeli, uBhenaya,
37 noZiza indodana kaTjhifi indodana ka-Aloni indodana kaJedaya indodana kaTjhimri indodana kaTjhemaya;
38 laba ababizwe ngamagama bebamakhosana hlangana nemindenabo begodu imindeni yabokhokho babo yanda ngesibalo.
39 Baya emkhawulweni weGedori, epumalanga yomrhoba bona bayokufunela imihlambabo amadlelo.
40 Ekugcineni bafumana amadlelo anothileko namahle, inarha beyiyikulu, ithulile begodu inganamiguruguru. Abantu ebebahlala lapho ngaphambilini bekumaRhamu.+
41 Labo amagamabo ebewatlolisiwe beza hlangana nemihla kaHezekiya iKosi+ yakwaJuda begodu basahlela amatende wamaRhamu newamaMewunimu ebewalapho. Bawatjhabalalisa bekwaba kunamhlanjesi; bahlala eendaweni zawo ngombana bekunamadlelo wemihlambabo.
42 Amanye amadoda wakwaSimiyoni ama-500, aya eNtabeni iSeyiri+ noPhelathiya, uNeyariya, uRefaya no-Uziyeli amadodana kaYitjhi obekabadosa phambili.
43 Basahlela woke ama-Amalekhi+ ebewaphunyurhile begodu bahlala lapho bekwaba kunamhlanjesi.
Imitlolo Ephasi
^ Amanye amagama esahlukwenesi angaqalisela endaweni ingasi ebantwini. Ebujamweni obunjalo ibizo elithi ‘yise’ kungenzeka litjho ‘umsunguli.’
^ Igama elithi Jabetsi kungenzeka lihlobene nebizo lesiHebheru elitjho “ubuhlungu.”
^ Kutjho ukuthi “umRhoba weenSebenzi zobuKghwari.”
^ Kungenzeka kuqaliselwe kuBhitiya osevesini-18.
^ Namkha “Mamezwi wesiko lakade.”
