Yesibili YeenKronike 4:1-22
4 Ngemva kwalokho, wenza i-aldara lekhopha,+ limakhubhithi ama-20 ubude, amakhubhithi ama-20 ububanzi namakhubhithi ali-10 ukuphakama.
2 Wenza iLwandle+ ngesimbi encibilikisiweko. Belirondo ngokubumbeka, limakhubhithi ali-10 ukusuka komunye umqoqo kufikela komunye begodu limakhubhithi ama-5 ukuphakama, bekuthatha intambo yokulinganisa emakhubhithi ama-30 ubude ukulizombeleza.+
3 Godu bekunemikghabiso yeenkurwana+ ngaphasi kwalo, ilizombeleze ngokupheleleko, imakhubhithi alitjhumi begodu ibhode loke iLwandle. Iinkurwana bezisemalarheni amabili begodu bezibunjwe zaba yinto yinye.
4 Belijame phezu kweenkunzi ezili-12,+ ezintathu ziqale etlhagwini, ezintathu ziqale etjingalanga, ezintathu ziqale esewula begodu ezintathu ziqale epumalanga; iLwandleli belihlezi phezu kwazo begodu loke ingemuva lazo beliphakathi nendawo.
5 Ubudege balo bebungangobubanzi besandla;* umqoqwalo bewenziwe njengomqoqo wekapho njengethuthumbo lemmangweni. Belikghona ukumumatha amalitha* azii-66 000.
6 Ngaphezu kwalokho, wenza izitja zokuhlambela ezilitjhumi, wabeka ezihlanu ngesidleni nezihlanu ngesinceleni.+ Bebapulela kizo izinto ezisetjenziselwa umnikelo otjhiswako.+ Kodwana iLwandle bekungelokuhlambela abaphristi.+
7 Ngemva kwalokho, wenza amalithi weembani wegolide alitjhumi,+ ngokuvumelana neenqophiso,+ wawabeka ethempelini, amahlanu ngesidleni, amahlanu ngesinceleni.+
8 Wenza namatafula alitjhumi wawabeka ethempelini, amahlanu ngesidleni namahlanu ngesinceleni;+ wenza nezitja zegolide ezili-100.
9 Ngemva kwalokho, wenza isirhodlo+ sabaphristi+ nesirhodlo esikhulu+ neminyango yesirhodlo begodu wanameka iminyangwazo ngekhopha.
10 Wabeka iLwandle ngesidleni, ukuya ngesewula-pumalanga.+
11 Godu uRhiramu wenza izinto zokuphatha umlotha, amarharafu neenkotlelo.+
Nje-ke uRhiramu wawuqeda umsebenzi awenzela iKosi uSolomoni endlini kaZimu weqiniso:+
12 iinsika ezimbili+ neempundu ezibumbeke njengesikotlelo ebeziphezu kweensika ezimbili;+ amanede amabili wokugubuzesa iimpundu ezimbili ezibumbeke njengesikotlelo eziphezu kweensika;
13 amarharinada ama-400+ wamanede amabili, amalarha amabili wamarharinada wenede ngayinye, ukugubuzesa iimpundu ezimbili ezibumbeke njengesikotlelo ebeziphezu kweensika;+
14 iinkarana* ezilitjhumi nezitja zokuhlambela ezilitjhumi eenkaraneni;+
15 iLwandle neenkunzi ezili-12 ngaphasi kwalo;+
16 izinto zokuphatha umlotha, amarharafu, amaforogo+ nazo zoke ezinye izitja, okungezendlu kaJehova, uRhiramu-Abhivi+ azenza ngekhopha ephazimako azenzela iKosi uSolomoni.
17 Ikosi yazibumbela emdakeni odege esifundeni seJordani hlangana kweSukothi+ neTsereda.
18 USolomoni wenza zoke izintwezi zaba zinengi khulu; ubudisi bekhopha akhenge buqinisekiswe.+
19 USolomoni wenza zoke izitja+ zendlu kaZimu weqiniso: i-aldara legolide;+ amatafula+ woburotho bombukiso;+
20 amalithi weembani neembani zawo zegolide elicwengileko+ bona avuthe phambi kwekumba efihlekileko ngokuvumelana neemfuneko;
21 amathuthumbo, iimbani neencimasibani, koke kwenziwe ngegolide, igolide elicwengeke tle;
22 iincimamlilo, iinkotlelo, iinkapho, izinto zokuphatha umlilo, koke kwenziwe ngegolide elicwengileko; ubungeno bendlu, iminyangwayo yangaphakathi yeNdawo eCwengeke Khulu+ neminyango yendlu yethempeli, koke kwenziwe ngegolide.+
Imitlolo Ephasi
^ Bungaba masentimitha ayi-7.4. Qala Isith. B14.
^ Namkha “Umthamo walo bewumalitha.”
^ Namkha “iinkarana zamanzi.”
