Duteronomi 33:1-29
33 Lesi sibusiso uMosi, inceku kaZimu weqiniso asimemezela kuma-Israyeli ngaphambi kokuhlongakala kwakhe.+
2 Wathi:
“UJehova uzile avela eSinayi,+Iphazimulwakhe ibonakele kibo kusukela eSeyiri.
Iphazimulwakhe ivele esifundeni seentaba seParana,+Bekaneengilozi ezinengi* ezicwengileko,+Ngesandleni sakhe sokudla kunamabutho.+
3 Bekabathanda abantu bakhe;+Boke abacwengileko babo bebasesandleni sakho.+
Bebahlezi eenyaweni zakho;+Balalele amezwakho.+
4 (UMosi wasinikela umyalo, umthetho,+Waba lilifa lebandla lakaJakopo.)+
5 UZimu waba yikosi eJetjhuruni,*+Lokha iinhloko zabantu nazihlangene+Neenkoro zakwa-Israyeli.+
6 URubeni akaphile angafi,+Namadoda wekorwakhe angaphunguleki.”+
7 Watjho isibusiswesi ngoJuda:+
“Jehova, lalela ilizwi lakaJuda,+Kwanga ungambuyisela ebantwini bekhabo.
Imikhonwakhe ivikela okungebakhe,Kwanga ungamsiza ahlule amanabakhe.”+
8 NgoLevi wathi:+
“IThumimi ne-Urimi+ ngelaloyo othembekileko kuwe,+Owamlingako eMasa.+
Owalwa naye hlanu kwamanzi weMeriba,+
9 Umuntu loyo uthe kuyise nonina, ‘Anginandaba nani.’
Ngitjho nabafowabo akhenge abatjheje,+Akhenge athathe ihlangothi lamadodanakhe.
Ulilalele ilizwi lakho,Begodu akhenge asikhohlwe isivumelwano sakho.+
10 Abafundise uJakopo imiyalwakho+Bafundise no-Israyeli imiThethwakho.+
Abakwenzele ipepho enuka kamnandi+Nomnikelo e-aldareni lakho.+
11 Jehova, busisa amandlakhe,Uthande umsebenzi wezandla zakhe.
Phula imilenze yamanabakhe,Khona abamhloyako bangekhe basaba khona.”
12 NgoBhenjamini wathi:+
“Othandwe nguJehova uzakuhlala naye ngokuphephaNjengombana ahlezi naye ilanga loke,Uzakuhlala hlangana namahlombakhe.”
13 NgoJosefa wathi:+
“Kwanga uJehova angabusisa inarhakhe+Ngezinto ezikhethekileko zezulwini,Ngombethe nangamanzi aphuma emithonjeni,+
14 Ngezinto ezikhethekileko ezikhuliswa lilangaNezinto ezikhethekileko ezikhula qobe nyanga,+
15 Ngezinto ezikhethekileko zeentabeni zakade*+Nezinto ezikhethekileko zemibundwini ehlala ikhona,
16 Ngezinto ezikhethekileko zephasini nakho koke kwakhona,+Ngomusa waloyo ohlala emthini wameva.+
Kwanga zingehlela phezu kwehloko kaJosefa,Loyo owakhethululwa bafowabo.+
17 Amandlakhe anjengewezibulo lekunzi,Iimpondo zakhe ziimpondo zekunzi yommango.
Ngazo usunduza abantuUkuyokufikela emaphethelweni wephasi.
Ziziinkulungwana zamatjhumi wakwa-Efrayimu,+Begodu ziziinkulungwana zakwaManase.”
18 NgoZebuloni wathi:+
“Thaba Zebuloni nawuphumako,Nawe Isakari thaba ngematendenakho.+
19 Bazokubizela abantu entabeni.
Kulapho bazokunikela khona imihlatjelo yokulunga.
Bazokudla umnotho welwandleBadle namagugu afihliweko wehlabathi.”
20 NgoGadi wathi:+
“Ubusisiwe loyo onabisa imikhawulo kaGadi.+
Olala njengebhubezi,Alungele ukurathula umkhono nehloko.
21 Uzozikhethela ingcenye yokuthoma,+Uzokuthatha ingcenye ebekelwe loyo okhupha umthetho.+
Abadosiphambili babantu bazokuhlangana.
Uzokwenza ngokuvumelana nobulungiswa bakaJehova,Nemithethwakhe kwa-Israyeli.”
22 NgoDani wathi:+
“UDani libhubezana.+
Uzokusahlela asuka eBhatjhani.”+
23 Wathi ngoNafitali:+
“UNafitali waneliswa mumusa kaJehovaBegodu uyambusisa.
Uzokuhlala etjingalanga nesewula.”
24 Ngo-Atjheri wathi:+
“U-Atjheri akabusiswe ngamadodana.
Kwanga angathandwa bafowabo,Afake iinyawo zakhe emafutheni.
25 Iinqabo zakho kuzokuba ngezesimbi nekhopha,+Uzokuvikeleka ukuphila kwakho koke.
26 Akekho onjengoZimu weqiniso+ kaJetjhuruni,+Osuka ezulwini bona azokusizaNgamandlakhe uza aphezu kwamafu.+
27 Kusukela eenkhathini zakade uZimu bekasiphephelo,+Imikhonwakhe ekade ikhona ingaphasi kwakho.+
Uzokuqotha amanabakho phambi kwakho,+Uzokuthi ‘Atjhabalaliseni!’+
28 Ama-Israyeli azokuhlala aphephile,Nomthombo kaJakopo uzokuvikelekaEnarheni yekoroyi newayini elitjha,+Umkayi wakhona uzokwehlisa umbethe.+
29 Niyathaba ma-Israyeli!+
Ngubani onjengani,+Abantu abavikelwa nguJehova,+Usiviko senu esinivikelako+Nesabulenu enamandla,Amanabenu azokukhothama phambi kwenu athukiwe,+Begodu nizokuhlula iindawo zawo eziphakamileko.”
Imitlolo Ephasi
^ Namkha “amatjhumi weenkulungwana.”
^ Kutjho “Olungileko,” sisiqu sokuhlonipha ama-Israyeli.
^ Namkha kungenzeka “iintaba zepumalanga.”
