Eksodusi 2:1-25
2 Ngesikhatheso, indoda ethileko yendlu kaLevi yathatha indodakazi kaLevi.+
2 Yaba sidisi yabeletha umsanyana. Kuthe nayibona ukuthi muhle kangangani, yamfihla iinyanga ezintathu.+
3 Kuthe nayingasakghoni ukumfihla,+ yathatha umantji wephaphirasi* yawusinda ngesikontiri yafaka umntwana ngaphakathi kwawo, yawubeka hlangana nomhlanga magega noMlambo iNayili.
4 Kodwana udadwabo+ bekajamele kudanyana afuna ukubona okuzokwenzeka.
5 Lokha indodakazi kaFaro nayiyokuhlamba eNayili, iinsebenzi zayo ezisikazi bezikhamba magega neNayili. Yabona umantji hlangana nemihlanga. Msinyana yathumela isigqilakazi bona siyowuthatha.+
6 Yawuvula, yabona umsanyana alila. Yamrhawukela yathi: “Umntwana lo ngowamaHebheru.”
7 Nje-ke udadwabo lomntwana wathi endodakazini kaFaro: “Kghani ngiyokubizela omunye wabafazi bamaHebheru abamunyisako bona azokumunyisela umntwana lo?
8 Indodakazi kaFaro yathi kuye: “Khamba!” Khonokho umntazana wakhamba wayokubiza unina lomntwana.+
9 Indodakazi kaFaro yathi kunina lomntwana: “Thatha umntwana lo ungimunyisele yena, ngizokubhadela.” Yeke umfazi lo wathatha umntwana wammunyisa.
10 Nasele akhulile, umfazi lo wamusa endodakazini kaFaro, waba yindodanakhe.+ Yamthiya ngokuthi nguMosi,* yathi: “Kungombana ngimkhuphe emanzini.”+
11 Nasele uMosi akhulile, wakhamba wayokubona umsebenzi obudisi obewenziwa bafowabo,+ wabona umGibhide abetha umHebheru, omunye wabafowabo.
12 Yeke waqala ngapha nangapha, akhenge abone muntu, wabulala umGibhide bewamembela.+
13 Waphuma ngelanga elilandelako, wafumana kulwa amaHebheru amabili. Wathi kowonileko: “Kubayini ulwa nomfowenu?”+
14 Umuntu loyo wathi: “Ngubani okubeke bona ube yikosana nomahluleli phezu kwethu? Ufuna ukungibulala njengombana ubulele umGibhide?”+ UMosi wathukwa wathi: “Kwamambala indaba le seyiyaziwa!”
15 UFaro wezwa ngalokho, wafuna ukubulala uMosi kodwana uMosi wabaleka wayokuhlala enarheni yakwaMidiyani,+ wahlala eduze nomthombo.
16 Nje-ke umphristi wakwaMidiyani+ bekanamadodakazi alikhomba, eza azokukha amanzi bona azokuzalisa iinkerebhe, aseze umhlambi kayise.
17 Njengemihleni, abelusi bafika bawaqotha. UMosi wasikima wawasiza, waseza nemihlambawo.
18 Nawabuyela kuyise uRewuyeli,*+ wawabuza ararekile, wathi: “Kuze njani bona nibuye msinya kangaka namhlanjesi?”
19 Aphendula athi: “Indoda ethileko yeGibhide+ isivikele kubelusi, yasikhelela namanzi beyaseza nomhlambi.”
20 Wathi emadodakazinakhe: “Iphi indoda leyo? Kubayini niyitjhiyile? Ibizeni izokudla nathi.”
21 Ngemva kwalokho uMosi wavuma ukuhlala nendoda leyo, yamnikela indodakazayo uTsiphora+ bona atjhade nayo.
22 Ngokukhamba kwesikhathi yambelethela indodana, wayithiya ngokuthi nguGeritjhomu,*+ ngombana wathi, “Ngibe mumuntu ovela kwenye inarha.”+
23 Ngemva kwesikhathi eside, ikosi yeGibhide yahlongakala,+ kodwana ama-Israyeli alila ngebanga lobuhlungu ngombana bewaziingqila, abawa isizo lakaZimu weqiniso ngombana bewaziingqila.+
24 Ngemva kwesikhathi esithileko uZimu wakuzwa ukunghonghoyila kwawo,+ wakhumbula isivumelwano asenza no-Abrahama, u-Isaka noJakopo.+
25 UZimu wawatjheja ama-Israyeli; wabona ukutlhaga kwawo.
Imitlolo Ephasi
^ Qala Ihlathululo.
^ Kutjho “Ukukhutjhwa,” okukusindiswa emanzini.
^ OkunguJetero.
^ Kutjho “Umuntu ovela kwenye inarha.”
