Isaya 1:1-31
1 Umbono u-Isaya,*+ indodana ka-Amotsi awubona malungana noJuda neJerusalema emihleni ka-Uziya,+ uJothamu,+ u-Arhazi+ noHezekiya,+ amakhosi wakwaJuda:+
2 Lalelani zulu, iphasi nalo alitjheje,+Ngombana uJehova ukhulumile:
“Ngondle amadodana begodu ngawakhulisa,+Kodwana ahlubukile kimi.+
3 Ikunzi imazi kuhle umthengayo,Nodumbana uwazi kuhleumkhombo womnikazawo;Kodwana u-Israyeli akangazi,+Abantu bami abazwisisi.”
4 Maye! Esitjhabeni esinesono,+Abantu abadiselwa mtjhapho,Abantwana beenkhohlakali, abantwana abonakeleko!
Abalahle uJehova;+Abadelele oCwengileko ka-Israyeli;Abamfulatheleko.
5 Emizimbenenu akusekho lapho ningabetjhwa khona, kubayini niragela phambili nokuhlubuka?+
Ihloko yoke iyagula,Nehliziyo yoke inobulwele.+
6 Akunalitho elinepilo, kusukela ngaphasi kwenyawo ukuya ehloko.
Kunamanceba, imirhuzuko neenlonda ezivulekilekoAkhenge zilatjhwe namkha zibotjhwe, zizeswe ngamafutha.+
7 Inarhenu imarubhi.
Amadorobhenu atjhiswe ngomlilo.
Abantu abavela kwezinye iinarha, barhiribidele inarhenu phambi kwenu.+
Koke kutjhatjalalisiwe njengalokha kusahlele amanaba.+
8 Indodakazi yeZiyoni itjhiywe njengomthunzi* esimini yamadiribe,Njengomtlhatlhana esimini yamakomukomu,Njengedorobho elivinjezelweko.+
9 Ngathana uJehova wamabutho akhenge asitjhiyele abambalwa abasindileko,Besizokufana neSodoma,Besizokufana neGomora.+
10 Lalelani ilizwi lakaJehova, nina babusi beSodoma.+
Tjhejisisani umthetho kaZimethu, nina bantu beGomora.+
11 “Ingizuzisa ngani imihlatjelwenu eminengi?”+ kutjho uJehova.
Seyingidinile iminikelwenu etjhiswako yamaramu+ nomhlwehlwe weenlwana zekhethelo,+Azingithabisi iingazi+ zeenkunzana,+ zeemvana nezeembuzi.+
12 Nanizokuvela phambi kwami,+Ngubani obawe lokho kini,Bona nigadange eenrhodlweni zami?+
13 Ningasalethi iminikelo yeenthoro engatjho litho.
Ipepho yenu iyanginyenyisa.+
Ukuthwasa kwenyanga,+ amasabatha,+ imihlangano+Angekhe ngisakghodlhelelela ukusetjenziswa kwamandla wemilingo+ kuhlanganise nemihlanganwenu ecwengileko.
14 Ngiyihloyile iminyanya eniyigidinga ngokuthwasa kwenyanga neminye iminyanya.
Ibe mthwalo kimi;Ngidiniwe kuyithwala.
15 Nanilula izandla zenu bona nithandaze,Nginifihlela amehlwami.+
Nanyana nenza imithandazo eminengi+Angiyilaleli;+Izandla zenu zizele iingazi.+
16 Hlambani, zihlwengiseni;+Susani izenzo ezimbi phambi kwami;Lisani ukwenza okumbi.+
17 Fundani ukwenza okuhle, funani ubulungiswa,+Lungisani ogandelelako,Vikelani amalungelo womntwana onganayise,*
Lwelani umhlolokazi.”+
18 “Yeke, yenize silungise iindaba hlangana nathi,” kutjho uJehova.+
“Nanyana izono zenu zingaba bomvu be,Zizokwenziwa zibe mhlophe njengegabhogo;+Nanyana zingaba bomvu njengetjhila elitlerebede,Zizokuba njengewulu.
19 Nangabe nizimisele ukulalela,Nizokudla izinto ezihle zenarha.+
20 Kodwana nanalako begodu nihlubuka,Nizokubulawa ngesabula,+Ngombana umlomo kaJehova ukhulumile.”
21 Qala indlela idorobho elithembekileko+ eselibe yingwadla ngayo!+
Belizele ubulungiswa;+Ukulunga bekuhlala kilo,+Kodwana kwanje kunababulali kwaphela.+
22 Isiliva lakho selisilaphele,+Begodu utjwala bakho buqarhwe ngamanzi.
23 Amakhosanalo anekani begodu abangani beengebengu.+
Woke athanda ukufunjathiswa begodu athanda ukugijimisa izipho.+
Awaphathi iintandani ngobulungiswa,Begodu umlandu womhlolokazi awufiki kiwo.+
24 Ngalokho iKosi yeqiniso uJehova wamabutho,OnaMandla ka-Israyeli, uthi:
“Ngizozanelisa emanabenami,Begodu ngizozibuyiselela emanabenami.+
25 Ngizokwenza isandla sami sikujikele,Ngizokususa ukusilaphala kwakho ngamanzi anomlotha,Begodu ngizokususa koke ukusilaphala kwakho.+
26 Ngizokubuyisa abahluleli bakho njengekuthomeniNabeluleki bakho njengekuthomeni.+
Ngemva kwalokhu, uzokubizwa ngokuthi uliDorobho lokuLunga, iDorobho eliThembekileko.+
27 IZiyoni lizokuhlengwa,+Nabantu balo ababuyako, bazokuhlengwa ngokulunga.
28 Iinhlubuki nezoni zizokutjhatjalaliswa,+Nalabo abatjhiya uJehova bazokuqedwa.+
29 Ngombana bazokuba neenhloni ngemithi emikhulu ebewuyifisa,+Begodu uzokuhlazeka ngebanga lamasimu* owakhethileko.+
30 Ngombana uzokuba njengomuthi omkhulu onamakari atjhwabako,+Nanjengesimu enganamanzi.
31 Umuntu onamandla uzokuba njengotjani obomileko,Nomsebenzakhe ube njengehlasi yomlilo;Kokubili kuzokutjha ngesikhathi sinye,Kungabi nokucimako.”
Imitlolo Ephasi
^ Kutjho “Isindiso KaJehova.”
^ Namkha “njengomtlhatlhana.”
^ Namkha “intandani.”
^ Ngasuthi mimithi namasimu ahlobene nokulotjha iinthombe.
