Isaya 24:1-23
24 Qala! UJehova ususa boke abantu enarheni* begodu uyenza ingabi nalitho.+
Uyayitjhabalalisa+ begodu uphadlhalaja izakhamuzi zayo.+
2 Kuzokwenzeka okufanako kiwo woke umuntu:
Ebantwini nakumphristi,Esisebenzini nekosinaso,Esisebenzini esisikazi nemphathinaso,Kumthengi nakumthengisi,Kumbolekisi nakumboleki,Kiloyo obolekisa ngemali naloyo oboleka imali.+
3 Boke abantu bazokususwa enarheni;Izokudlelezelwa ngokupheleleko,+Ngombana uJehova ukhulumile.
4 Inarha iyalila;*+ iyatjhabalala.
Inarha ethelako iyatjhwaba; iyatjhabalala.
Abantu abadumileko enarheni bayatjhwaba.
5 Inarha isilaphazwe zizakhamuzi zayo,+Ngombana zeqe imithetho,+Zitjhugulule isinqophiso,+Begodu ziphule isivumelwano esingapheliko.*+
6 Kungebangelo isiqalekiso sirhiribidele inarha,+Labo abahlala kiyo babekwe umlandu.
Kungebangelo izakhamuzi zenarha ziimbalwa,Begodu bambalwa khulu abantu abaseleko.+
7 Iwayini elitjha liyalila,* isimu yamadiribe iyatjhwaba,+Begodu boke abathabileko ehliziyweni bayanghonghoyila.+
8 Ithabo labosotjherere liphelile;Itjhada lalabo abathanda ukuzithabisa liphelile;Itjhada elimnandi leharibha liphelile.+
9 Basela iwayini ngaphandle kwengoma,Begodu utjwala buyababa kilabo ababuselako.
10 Idorobho elilahliweko ligirikile;+Zoke izindlu zivaliwe bona kungabi nongenako.
11 Bayarhuwelela eendleleni ngombana iwayini alisekho.
Loke ithabo linyamalele;Ithabo lenarha alisekho.+
12 Idorobho litjhiywe limarubhi;Isango liphahlazwe laba liququ.+
13 Ngombana nasi indlela inarha ezokuba ngayo hlangana neentjhaba:
Njengalokha kubethwa umuthi we-oliva,+Njengokuburuja lokha isivuno samadiribe siphela.+
14 Bazokuphakamisa amaphimbwabo,Bazokurhuwelela ngethabo.
Bazokumemezela ubukhosi bakaJehova kusukela elwandle.*+
15 Kungebangelo bazokuphazimulisa uJehova esifundeni sokukhanya;*+
Eenhlengeleni zelwandle bazokuphazimulisa igama lakaJehova, uZimu ka-Israyeli.+
16 Kusukela emaphethelweni wephasi sizwa iingoma:
“IPhazimulo koLungileko!”+
Kodwana ngithi: “Ngiyatjhabalala, ngiyatjhabalala!
Maye! Kimi, okhohlisako wenze ngokukhohlisa;Ngekohliso, okhohlisako wenze ngokukhohlisa.”+
17 Ukusaba, imigodi neenthiyo zikulindele, sakhamuzi senarheni.+
18 Nanyana ngubani obalekela itjhada elithusako uzokuwela emgodini,Nanyana ngubani ophuma emgodini uzokubanjwa sithiyo.+
Ngombana amasango weenkhukhula aphezulu azokuvulwa,Neensekelo zenarha zizokusikinyeka.
19 Inarha ihlukene phakathi;Inarha isikinyiwe;Inarha isikinywe ngamandla.+
20 Inarha itherezela njengomuntu odakiweko,Begodu iya ngapha nangapha njengomtlhatlhana nakunomoya.
Idisibezwa mtjhaphwayo+Begodu izokuwa bona ingasavuka godu.
21 Ngelangelo uJehova uzokwahlulela ibutho eliseendaweni eziphakemekoNamakhosi wephasi.
22 Bazokubuthelelwa ndawonyeNjengeembotjhwa zibuthelelwa emgodini,Begodu uzobathulisa ejele;Ngemva kwamalanga amanengi bazokwahlulelwa.
23 Inyanga ezeleko izokuba mnyama,Nelanga eliphazimulako lizokufiphala,+Ngombana uJehova wamabutho ube yiKosi+ eNtabeni yeZiyoni+ neJerusalema,Uyaphazimula phambi kwabadala babantu bakhe.+
Imitlolo Ephasi
^ Namkha “ephasini.”
^ Namkha kungenzeka “iyoma.”
^ Namkha “sekadeni.”
^ Namkha kungenzeka “liyaphela.”
^ Namkha “etjingalanga.”
^ Namkha “epumalanga.”
