Jobho 12:1-25
12 Ngemva kwalokho, uJobho wathi:
2 “Kwamambala nina nibabantu abanelwazi,Begodu ukuhlakanipha kuzokufa nani!
3 Kodwana nami nginelwazi njengani.
Angisingaphasi kwenu.
Ngubani-ke ongazaziko izinto enizikhulumileko?
4 Nje sengiphenduke ihlekisa ebanganini bami,+Ngombana ngibiza uZimu, ngilindele nependulwakhe.+
Umuntu olungileko nomsulwa sekayihlekisa.
5 Umuntu izinto ezimkhambela kuhle udelela labo abaqalene nehlekelele,Ucabanga ukuthi ihlekelele yehlela labo abaqalene nemiraro kwaphela.*
6 Amasela ahlala ngokuthula ngeendlini zawo,+Nalabo abadelela uZimu bavikelekile,+Labo abanozimabo ezandleni zabo.
7 Yeke ngibawa ubuze iinlwana zizokufundisa;Neenyoni zomkayi zizokutjela.
8 Namkha bukela iimbunjwa zephasi* zizokufundisa;Neenhlambi zelwandle zizokutjela.
9 Ngisiphi hlangana nazo zoke lezi esingaziko
Ukuthi sibunjwe ngesandla sakaJehova?
10 Esandleni sakhe kunepilo yakho koke okuphilako
Namandla wokuphila wabo boke abantu.+
11 Kghani indlebe ayilalelisisi amezwiNjengombana nelimi linambitha ukudla?+
12 Kghani ukuhlakanipha akufunyanwa na ebantwini abadala,+Nokuzwisisa akufunyanwa na ngokuphila isikhathi eside?
13 Ukuhlakanipha namandla kukuZimu,+Uyazwisisa begodu uzokufeza intandwakhe.+
14 Nakagiriza okuthileko, angekhe kwakhiwe godu;+Nakavalileko akunamuntu ongavula.
15 Nakajamisa amanzi, koke kuyoma;+Nakawavulelako, akhukhula iphasi.+
16 Kuye kunamandla nokuhlakanipha;+Kuye kunodurhako nodurhisako;
17 Uhlazisa abahlakaniphileko;Ahlekise nangabahluleli.+
18 Utjhaphulula okubotjhwe makhosi,+Awembathise izambatho zesigqila.
19 Uhlazisa abaphristi,+Aketule nalabo abanamandla;+
20 Uvala imilomo yabathembekilekoAsuse nokuhlakanipha kwabantu abadala;
21 Uhlazisa ababusi,+Begodu abanamandla ubenza babogaboge;
22 Wembula izinto ezifihlwe ebumnyameni,+Begodu uletha ukukhanya ebumnyameni obunzima tshu!
23 Wenza iintjhaba zande khulu bona azitjhabalalise;Ukhulisa iintjhaba bona azithumele ekudingisweni.
24 Wenza abadosiphambili babantu bona bangazwisisiAbenze bakhambakhambe emmangweni onganandlela.+
25 Baphumbutha ebumnyameni,+Ubenza bazulazule njengabantu abadakiweko.+
