Jobho 18:1-21
18 UBhilidadi+ umTjhurhi wathi:
2 “Nizokulisa* nini ukukhuluma ngendlela le?
Akhenizwisise, bona nathi sikhulume.
3 Kubayini kufuze siqalwe njengeenlwana+Siqalwe nanjengeendlhadlha* phambi kwenu?
4 Ngitjho nanyana ungazirathula ube ziinquqwana ngebanga lokusilingeka kwakho,Ucabanga bona iphasi lizokulahlwa ngebanga lakho,Namkha ucabanga bona idwala lizokusuka endawenalo ngebanga lakho?
5 Iye, umkhanyo womuntu okhohlakeleko uzokucinywa,Nomlilwakhe uzokucima.+
6 Ukukhanya kwetendakhe kuzokuba mnyama,Nesibani esingaphezu kwakhe sizokucinywa.
7 Akanamandla wokukhamba,Woke amanwakhe angekhe aphumelele.+
8 Ngombana iinyawo zakhe zizomdosela enedeni,Begodu uzokukhambakhamba ngaphakathi kwayo.
9 Uzokubanjwa sithiyo;Isithiyweso sizombamba eenyaweni.+
10 Ufihlelwe irobho ehlabathini,Begodu ubekelwe isithiyo endlelenakhe.
11 Izinto ezithusako ziyamthusa mahlangothi woke+Zigijima ngemuva kwakhe bona zimbambe.
12 Uphelelwa mamandla,Begodu ihlekelele+ izomenza atherezele.*
13 Isikhumba sakhe siyabola;Ukugula okubulalako* kudla amalunga womzimbakhe.
14 Iinhlekelelezi zizomhlukanisa nesivikelo setende lakhe+Begodu zizomusa ekosini yezinto ezithusako.*
15 Etendenakhe kuzokuhlala okungasingekwakhe;Indlwakhe itjhiswe ngomlilo.*+
16 Njengomuthi, imirabhakhe izokomaNeempande zakhe zizokutjhwaba.
17 Ephasini, abantu bazomkhohlwa,Endleleni, abantu angekhe balazi igama lakhe.
18 Abantu bazomsusa ekukhanyeni, bamuse ebumnyameniBazomqotha enarheni evundileko.
19 Angekhe abe nabantwana neenzukulwana hlangana nabantu bekhabo,Begodu angekhe kube nosindako endaweni ahlala kiyo.
20 Nakufika ilanga lakhe lokutjhabalala, abantu beTjingalanga bazokuthukwaBegodu abantu bePumalanga bazokurhidlwa livalo.
21 Ngilokho-ke okwenzekako ematendeni wabenzi bobumbiNendaweni yalowo ongamaziko uZimu.”
Imitlolo Ephasi
^ Kungenzeka kuqaliselwe kuJobho nakilabo abazwelana naye.
^ Namkha kungenzeka “njengabasilapheleko.”
^ Namkha “ahluze.”
^ NgesiHebheru, “Izibulo lokufa.”
^ Kutjho ukuthi, sizokwenziwa sife kabuhlungu.
^ Namkha “ngesibabuli.”
