Jobho 19:1-29
19 UJobho wathi:
2 “Nizongisilinga bekube kunini,+Nisolo ningihlaba ngamagama?+
3 Sekumahlandla alitjhumi nisolo ningisola;*
Aniphathwa ziinhloni na ukuthi ningiphatha kumbi?+
4 Nangabe kwamambala ngenze umtjhapho,Umtjhaphwami uhlala nami.
5 Nangabe nikatelela ukuzenza abangcono kunami,Nithi ihlazo lameli lingifanele,
6 Yeke kufuze nazi bona uZimu nguye ongidurhisako,Begodu ungibambe ngenedakhe yokuzuma.
7 Ngisolo ngirhuwelela ngithi, ‘Ngilinyaziwe!’ kodwana angitholi ipendulo;+Ngisolo ngirhuwelela ngifuna isizo kodwana akunamuntu ongisizako.+
8 Uvale indlelami ngeboda lelitje, angikghoni ukudlula;Uvale iindlela zami ngobumnyama.+
9 Ungithathele iphazimulwamiWasusa nesihlohlo ehlokwami.
10 Ungiphula mahlangothi woke bekube kulapho ngitjhabalala;Ithemba lami ulisiphula njengomuthi.
11 Ilaka lakhe liyangivuthela,Begodu ungiqala njengenaba lakhe.+
12 Amabuthwakhe abuthene ndawonye bona angivimbezele,Begodu ahlome amatendawo magega netendami.
13 Abafowethu ubabekele kude nami,Nalabo abangaziko bangijikele.+
14 Iinhlobo zami zingilahlele izandla,Nalabo engibazi kuhle bangilibele.+
15 Iimvakatjhi ezisemzinami+ neengqilakazi zami zingiqala njengomuntu ongaziwako;Ngimumuntu ovela kwenye inarha emehlwenazo.
16 Ngibiza isisebenzi sami kodwana asingiphenduli;Ngiyasincenga bona singirhawukele.
17 Ukuphefumula kwami sekube yinto enyenyisako kumkami+Begodu ngiliphunga elimbi kubafowethu.
18 Ngitjho nabantwana abancani bayangidelela;Nangisikimako bakhuluma izinto ezihlaza ngami.
19 Abangani bami boke sebayanginyenya,+Nalabo engibathandako sebangijikele.+
20 Amathambami anamathele esikhumbeni sami nenyamenami,+Ngipheze ngafa.
21 Ngirhawukelani, ngirhawukelani bangani bami,Ngombana isandla sakaZimu singithintile.+
22 Kubayini nisolo ningihlunguphaza njengoZimu,+Ningisahlela ningangilisi?*+
23 Ngathana amezwami bewatlolwe phasi,Ngathana bewatlolwe encwadini!
24 Ngathana bewatlolwe elitjeni angasuki,Atlolwe ngepeni yesimbi enomsizi!
25 Ngombana ngazi kuhle bona umhlengami+ uyaphila;Uzokuza, aphakame ngaphezu kwephasi.
26 Ngemva kobana isikhumba sami silinyazwe ngendlela le,Mina nangisaphilako, ngizombona uZimu,
27 Ngizozibonela yena,Amehlwami azombona, ingasi womunye.+
Kodwana ngaphakathi ngizizwa ngidiniwe!
28 Ngombana nithi, ‘Simhlunguphaze njani?’+
Ngasuthi ngimi okufuze asolwe ngakho koke lokhu.
29 Sabani isabula+Ngombana isabula iletha isijeziso kilabo abonako;Kufuze nazi ukuthi kunomahluleli.”+
