Jobho 21:1-34
21 UJobho wathi:
2 “Akhe nilalelisise engikutjhoko;Nanenza njalo nizongiduduza.
3 Ngibekezelelani nangikhulumako;Nangiqeda ukukhuluma, ningahlekisa ngami-ke.+
4 Kghani isinghonghoyilo sami siqaliselwe emuntwini?
Nangabe bekunjalo bengekhe na ngiphelelwe sineke?
5 Akhe ningiqale begodu nibabaze ngenikubonako;Nivale la nidla khona.
6 Nangicabanga ngokungenzakaleleko, ngiyathikaziseka,Umzimbani woke uyahlengezela.
7 Kubayini abakhohlakeleko baragela phambili nokuphila,+Baluphale bebabe nomnotho?+
8 Abantwababo bahlala baphambi kwabo,Baphila isikhathi eside bebabone iinzukulwana zabo.
9 Izindlu zabakhohlakeleko zivikelekile, abasabi litho,+Begodu isijeziso sakaZimu asikafiki kibo.
10 Iinkunzi zabo ziyamithisa;Iinkomo zabo ziyazala begodu azipholoji.
11 Abesanyana babo bagijima ngaphandle njengomhlambi,Begodu badlala kamnandi.
12 Abantwana babo babhina basebenzisa abosotjherere namaharibhaBegodu bathabela itjhada lefuludi.+
13 Bathabela ukuphila kwabo kokeBegodu batjhinga eThuneni* ngokuthula.*
14 Kodwana bathi kuZimu weqiniso, ‘Hlukana nathi!
Asikhanukeli ukwazi iindlela zakho.+
15 Ngubani uMninimandla Woke bona simlotjhe?+
Sizakubuyelwa yini nasimthandazako?’+
16 Kodwana ngazi kuhle ukuthi abakghoni ukulawula ipumelelwabo.+
Begodu angicabangi njengabo.+
17 Isibani sabakhohlakeleko sicinywa kanengi kangangani?+
Ihlekelele ibehlela kanengi kangangani?
Ngelaka lakhe, uZimu ubatjhabalalisa kanengi kangangani?
18 Kghani banjengomhlanga phambi komoyaNanjengeenhluba eziphetjhulwa siwuruwuru?
19 Kodwana uZimu uzokujezisa amadodana wokhohlakeleko ngebanga lomtjhapho kayise.
Kwanga uZimu angajezisa okhohlakeleko bona azi umtjhaphwakhe.+
20 Kwanga amehlwakhe angabona ukutjhabalala kwakhe,Kwanga angalizwa* ilaka loMninimandla Woke.+
21 Usazokutshwenyeka na ngalokho okusazokwenzeka emadodanenakheNangabe ufa ngaphambi kwesikhathi?+
22 Ukhona ongafundisa uZimu na,+Njengombana kunguye owahlulela nabasezingeni eliphezulu?+
23 Omunye umuntu uzokufa anakho koke akutlhogako+Aphephile begodu azigedlile.+
24 Uzokufa iinyonga zakhe zinonileNamathambakhe asaqinile.*
25 Kodwana omunye umuntu ufa alisizi khulu,Angakhenge abone izinto ezihle.
26 Boke bazokubuyela ethulini,+Begodu bazokudliwa ziimbungu.+
27 Qalani! Ngazi kuhle ukuthi nicabanganiNgazi namano eniwalukako bona ningone.*+
28 Ngombana nithi, ‘Iphi indlu yendoda edumileko leya,Liphi itende ebelihlala umuntu okhohlakeleko?’+
29 Kghani akhenge nibuze abantu abakhamba iindawo ngeendawo?
Anikukholwa na abakutjhoko,
30 Ukuthi umuntu okhohlakeleko uyaphephiswa ngelanga lehlekeleleBegodu uyasindiswa ngelanga lesizi?
31 Ngubani ozomtjela ngendlelakhe yokuphila,Ngubani ozombuyisela ngakwenzileko?
32 Uzokubulungwa,Begodu ithuna lakhe lizokugadwa.
33 Uzokuthatjiswa yindawo alaliswe kiyo,+Begodu boke abantu bazomlandela+Kuzokuba njengombana kwenzeka ngabanengi ebebaphambi kwakhe.
34 Nje-ke kubayini ningiduduza ngendlela engatjho litho?+
Iimpendulo zenu ziyikohliso kwaphela!”
Imitlolo Ephasi
^ Namkha “eTjhiyoli.” Qala Ihlathululo.
^ Kutjho ukufa msinyana ngaphandle kokuzwa ubuhlungu.
^ NgesiHebheru, “angasela.”
^ NgesiHebheru, “Ummongo wamathambakhe uthambile.”
^ Namkha kungenzeka “ningilimaze.”
