Jobho 39:1-30
39 “Uyasazi na isikhathi iimbuzi zommango ezizala ngaso?+
Kghani wakhe wabukela iqina lizala na?+
2 Uyazibalela na iinyanga okufuze zizale ngazo?
Uyasazi isikhathi okufuze zizale ngaso?
3 Ziyagugubala nazizalako,Bese imirhelwazo iyaphela.
4 Abantwanyana bazo bayaqina begodu bakhulela emmangweni;Bayaphuma, bangabuyeli kizo.
5 Ngubani otjhaphulula udumbana wommango,+Ngubani otjhaphulule iinrobho okubotjhwe ngazo udumbana wommango?
6 Ngenze ummango othabaleleko waba likhaya lakheNendawo yetswayi ngayenza yaba yindawakhe yokuhlala.
7 Ugegeda idorobho eliminyeneko;Akalizwa nelizwi laloyo omnqophisa bona asebenze.
8 Uzulazula emibundwini, afune amadlelo,Afune yoke imihlobo yeentjalo ezihlaza.
9 Inga-kghani ikunzi yommango ingavuma na ukukusebenzela?+
Ingavuma na ukuhlala ubusuku boke esitalini sakho?
10 Ungayibopha ikunzi yommango ngeenrobho bona izokulimela,Namkha izokulandela na bona ilime emrhobeni?
11 Ungathembela na emandlenayo amakhuluUyivumele bona yenze umsebenzakho obudisi?
12 Ungathembela kiyo na bona ibuyise isivuno sakho,Beyisibuthelele eselelweni sakho?
13 Amaphiko wenciliba abetha ngethabo,Kghani amaphikwayo la angamadaniswa newakadoyi?+
14 Ngombana ibekela amaqandayo ehlabathini,Iwafuthumeza ngehlabathi.
15 Iyakhohlwa ukuthi angagadangwa apitlikeNamkha angagadangwa ziimbandana.
16 Iphatha abantwabayo kumbi, ngasuthi akusingebayo;+Ayisabi ukuthi ingasebenzela ilize.
17 Ngombana uZimu uyidime ukuhlakaniphaWayidima nokuzwisisa.
18 Kodwana nayisikimako ivule amaphikwayo bona iphaphele phezulu,Ihleka injomani nomkhwelayo.
19 Kghani nguwe onikela injomani amandla?+
Nguwe na oyimbathisa uboya obuhle entanyeni?
20 Ungayenza na bona yeqayeqe njengentethe?
Iphimbo layo liyathusa.+
21 Ibethabetha phasi ngeenqatha emrhobeni begodu ithabe khulu;+Iyaphuma iye epini.+
22 Ihleka ukusaba begodu ayisabi litho.+
Ayijiki ngebanga lesabula.
23 Isikhwama esiphethe imicibitjholo sibetha phezu kwayo nayigijimako,Umkhonto uyamanyazela.
24 Iyeqayeqa ngethabo, igijimele phambili,Ayikghoni ukujama rwe nayizwa itjhada lephondo.
25 Nayizwa itjhada lephondo ithi, ‘Nakho-ke!’
Inukelela ipi isesekudeBegodu izwa itjhada leenduna nelepi.+
26 Khewafundisa imihlobo yamakhozi ukuphapha,Khewayifundisa bona iphaphele njani esewula?
27 Khewalifundisa na ikhozi ukuphaphela phezulu+nokwakha isidleke salo phezulu?+
28 Lilala eliweni,Lihlala ematjeni.
29 Nalilapho lifuna ukudla;+Amehlwalo akubona likude.
30 Abantwanyana balo basela iingazi;Begodu nakunokubuleweko lilapho nalo.”+
