Juweli 2:1-32
2 “Vuthelani ipalapala eZiyoni!+
Hlabani umkhosi wepi entabenami ecwengileko.
Boke abahlala enarheni* abahlengezele,Ngombana ilanga lakaJehova liyeza!+ Litjhidele!
2 Lilanga lobumnyama nelokufiphala,+Lilanga lamafu anzima tshu,+Njengokukhanya kokusa okugubuzesa iintaba.
Kunesitjhaba esikhulu nesinamandla,+Akhenge khekube khona esifana naso phambilini,Begodu angeze sibe khona esifana nasoEminyakeni yeenzukulwana zoke.
3 Phambi kwaso umlilo uyarhiribidela,Ngemva kwaso amalangabi ayatjhisa.+
Inarha ephambi kwaso injengesimu ye-Edeni,+Kodwana ngemva kwaso mumango onganalitho,Begodu akunalitho elingaphunyurha.
4 Ukuqaleka kwaso kufana nokweenjomani,Begodu sigijima njengeenjomani zepi.+
5 Itjhada laso lifana neleenkarana nazeqa eenqongolweni zeentaba,+Njengokuthuthumba komlilo orhiribidela umhlanga.
Sinjengabantu abaziingorho abajame ngendlela ehlelekileko njengeenqhema zamasotja.+
6 Ngebanga laso, abantu bazokuzwa ubuhlungu.
Ubuso babo boke buzokuba tshetlha.
7 Sisahlela njengamadoda wepi,Sikhwela iboda njengamasotja,Omunye nomunye ukhamba endlelenakhe,Begodu asiphambuki emitlhalenaso.
8 Akekho osunduza omunye;Indoda enye nenye ikhamba endlelenayo.
Nangabe iinkhali ziwisa* abanye,Abanye abaphambuki emitlhalenabo.
9 Bangena edorobheni barhabile, bagijima ebodeni.
Bakhwela phezu kwezindlu, bangene ngamafesidere njengesela.
10 Phambi kwabo inarha iyahlengezela nezulu liyasikinyeka.
Ilanga nenyezi kufiphele,+Neenkwekwezi azisaphazimi.
11 UJehova uzokuphakamisa ilizwi lakhe phambi kwebutho lakhe+ ngombana ibutho lakhe alinasibalo.+Ngombana loyo ozalisa ilizwi lakaZimu unamandla,Ngombana ilanga lakaJehova likhulu, liyasabeka.+
Ngubani ongalikghodlhelelela?”+
12 UJehova uthi, “Kodwana nanje ngisatjho ngithi buyelani kimi ngehliziyo yoke,+Ngokuzila ukudla,+ ngokukhihla isililo nangokurhahlawula.
13 Rathulani iinhliziyo zenu,+ ingasi izambatho zenu,+Nibuyele kuJehova uZimenu,Ngombana unomusa nesirhawu, akasilingeki msinya+ begodu unethando elikhulu,*+Uzozisola* ngesijeziso.
14 Ngubani owaziko angekhe ajike azisole*+Akuphe isibusiso,Umnikelo weenthoro nomnikelo wesiselo kaJehova uZimenu?
15 Vuthelani ipalapala eZiyoni!
Memezelani ukuzila ukudla, bizani umhlangano ocwengileko.+
16 Bizani abantu, cwengisani ibandla.+
Hlanganisani amadoda amadala,* buthelelani abantwana namasana amunyako.+
Umkhwenyana akaphume ngekumbenakhe engaphakathi nomakoti akaphume ngelawini lakamakoti.
17 Hlangana namathuri ne-aldara+Abaphristi, iinsebenzi zakaJehova, abarhahlawule bathi:
‘Rhawukela abantu bakho Jehova,Ungavumeli ilifa lakho libe yinto edelelwako,Ngokuvumela iintjhaba zibuse phezu kwalo.
Kubayini abantu kufuze bathi, “Uphi uZimabo?”’+
18 Ngalokho uJehova uzoyithanda khulu inarhakheBegodu uzokuba nomusa ebantwini bakhe.+
19 UJehova uzokuphendula abantu bakhe athi:
‘Nginithumela iinthoro newayini elitjha namafutha,Begodu nizokwaneliseka ngokupheleleko,+Angeze ngisanihlazisa hlangana neentjhaba.+
20 Ngizokuqotha loyo onisahlela avela ngetlhagwini,Ngizomphadlhalalisela enarheni eyomileko nenganalitho,Amajonakhe aphambili ngizowaqothela ngelwandle elingepumalanga*
Amajonakhe angemuva ngelwandle elingetjingalanga.*
Iphunga elimbi elivela kuye lizokukhuphuka,Nesivunda esivela kuye sizokuraga sikhuphuka,+Ngombana uZimu uzokwenza izinto ezikulu.’
21 Ungasabi narha.
Thaba ujekezele, ngombana uJehova uzokwenza izinto ezikulu.
22 Ningasabi, nina mbandana,Ngombana amadlelo wommango azokuba hlaza,+Nemithi izokuthela,+Umuthi wamafeyi nesidiribe uzokuthela ngokupheleleko.+
23 Nina madodana weZiyoni, thabani benijekezele kuJehova uZimenu,+Ngombana uzonipha izulu lesiruthwana elaneleko,Begodu uzokuthumela izulu elikhulu phezu kwenu,Izulu lesiruthwana neletwasahlobo, njengaphambilini.+
24 Izelelo zizokuzala iinthoro ezicwengiweko,Nemigodi yokutlhodlhela izokuphuphuma iwayini elitjha namafutha.+
25 Ngizokubuyisela kini iminyakaEdliwe sikhonyani, iintethe ezinganamaphiko, iintethe ezirhiribidelako, neentethe ezitjhabalalisako,Ibutho lami elikhulu engalithumela kini.+
26 Ngokuqinisekileko nizokudla naneliseke,+Begodu nizokudumisa igama lakaJehova uZimenu,+Owenze iimangaliso ngebanga lenu,Abantu bami angeze basaphathiswa iinhloni.+
27 Kuzokufuze nazi bona ngiphakathi kwama-Israyeli+Begodu nginguJehova uZimenu,+ akekho omunye!
Abantu bami angeze basaphathiswa iinhloni.
28 Ngemva kwalokho, ngizokuthululela ummoyami+ kiyo yoke imihlobo yabantu,Amadodanenu namadodakazenu azokuphorofida,Amadoda amadala hlangana nani azokubhudanga amabhudango,Namasokana hlangana nani azokubona imibono.+
29 Ngitjho neengqileni neengqilakazini zamiNgizokuthululela ummoyami emihleni leyo.
30 Ngizokwenza iimangaliso ezulwini nephasini,Iingazi nomlilo nentuthu enengi.+
31 Ilanga lizokuba mnyama nenyezi izokuba ziingazi+Ngaphambi kokufika kwelanga elikhulu nelisabekako lakaJehova.+
32 Woke umuntu obiza igama lakaJehova uzokusindiswa,+Ngombana eNtabeni iZiyoni neJerusalema kuzokuba nabasindako+ njengokutjho kwakaJehova,Abasindileko ababizwa nguJehova.”
Imitlolo Ephasi
^ Namkha “ephasini.”
^ Namkha “imisubela iwisa.”
^ Namkha “ithando elithembekileko.”
^ Namkha “Uzokutjhugulula umkhumbulo.”
^ Namkha “atjhugulule umkhumbulo.”
^ Namkha “abadala.”
^ Kutjho iLwandle eliFileko.
^ Kutjho iLwandle iMedithera.
