IPILO YAMAKRESTU
“Lahlani Abosingazimu”
UJakopo bekangakanikelwa imithetho ngokuphathelene neenthombe kodwana bekazi ukuthi uJehova ufuna silotjhe yena kwaphela. (Eks 20:3-5) Yeke, ngemva kobana uJehova amtjele ukuthi abuyele eBhethe-Eli, uJakopo wayala woke umuntu ebekanaye bona alahle abosingazimu. UJakopo walahla boke abosingazimu kuhlanganise nezinto ebebakholelwa ukuthi ziyabavikela. (Gen 35:1-4) Singaqiniseka ukuthi isenzo sakaJakopo samthabisa uJehova.
Kuthiwani ngathi, singatjengisa njani ukuthi sizinikele kuJehova kwaphela? Into yokuthoma eqakathekileko, kukuthi sibalekele zoke izinto ezisihlanganisa neenthombe namkha imimmoya. Lokhu kuhlanganisa ukulahla zoke izinto ezikhuluma ngemimmoya begodu sihlolisise nendlela esizithabisa ngayo. Ngokwesibonelo, zibuze: ‘Inga-kghani izinto engizithabisa ngazo zihlanganisa amavemphaya, iimpoko namkha imilingo? Inga-kghani zenza imilingo namkha ukuthuwelelisa abanye kubonakale ngasuthi akunangozi?’ Kufuze sikhambele kude nezinto uJehova azizondako.—IR 97:10.
BUKELA IVIDIYO ETHI “JAMELANA NODEVELI,” BESE UPHENDULA IMIBUZO ELANDELAKO:
-
Ngimuphi umraro uPalesa osafundelwa iBhayibheli aqalana nawo?
-
Kubayini kukuhlakanipha ukubawa isizo kubadala nange umuntu omfundelako namkha wena unomraro wemimmoya?
-
Lwisanani noDeveli begodu nitjhidele kuZimu—Jak 4:7, 8
Nange sifuna bona uJehova asivikele ngiziphi izinto ekufuze sizilahle?
-
UPalesa wathatha liphi igadango?
-
Enarheni yangekhenu, ngiziphi iindlela ongabalekela ngazo ukuzihlanganisa namadimoni?
