IPhasika lakaJesu lamaswaphela belizokuba ngeliqakatheke khulu. Ngombana bekazokufa kungasikade, wahlela ukudla iPhasika nabafundi bakhe begodu wasungula isiDlo seKosi saNtambama ebesizokwenziwa qobe mnyaka. Yeke wathuma uPitrosi noJwanisi bona bayokulungisa ikumba abazokudlela kiyo iPhasika. (Luk 22:7-13; qala isithombe esingaphandle.) Lokho kusikhumbuza bona kufuze silungiselele isiKhumbuzo sangoMatjhi 27. Kungenzeka bona amabandla sele awenzile amalungiselelo wokuthi ngubani ozokubeka ikulumo, namalungiselelo wesikwa newayini nokhunye. Nanyana kunjalo, khuyini ngamunye wethu ekufuze ayenze bona azilungiselele ukuya esiKhumbuzweni?

Tjengisa bona uyakuthokoza lokho uJesu akwenzele khona. Ngokufunda amavesi wesiKhumbuzo begodu ucabangisise ngawo. Ihlelo lamavesi la lifumaneka encwajaneni ethi, Ukuhlolisisa Imitlolo Qobe Langa. I-Appendix B12 eku-New World Translation of the Holy Scriptures inehlelo elinokwazisa okungeziweko. (Qala godu Ipilo Nomsebenzi WobuKrestu yango-Apreli 2020.) Imindeni ingafumana ukwazisa engakusebenzisa nayenza ukulotjha komndeni okumalungana nokuqakatheka kwesihlengo ngokuqala i-Watch Tower Publications Index nofana i-the Research Guide for Jehovah’s Witnesses.

Mema abanye bona beze esiKhumbuzweni. Hlanganyela ngokuzeleko ejimeni lokumemela abanye esiKhumbuzweni. Cabanga ngabantu ongathanda ukubamema, kungaba babantu ozokubuyela kibo, ebewufunda nabo iBhayibheli, obaziko neenhlobo zakho. Abadala kufuze baqiniseke bona bayabamema abantu abangasezi esifundweni. Khumbula ukuthi nangabe umuntu ommemako akahlali endaweni yangekhenu, ungamtholela indawo nesikhathi sesiKhumbuzo la ahlala khona ngokuya kujw.org ngaphasi kwesithi, UKWAZI NGATHI bese ukhetha isihloko esithi, “IsiKhumbuzo”

Ngikuphi okhunye ongakwenza bona ulungiselele isiKhumbuzo?