ISIFUNDO 17
UJesu Umumuntu Onjani?
Nasifunda ngezinto uJesu azitjhwileko nazenzileko nakasephasini, sizokubona ubuntu obusitjhideza kuye nakuBabakhe uJehova. Ngibuphi ubuntu obusenza sifune ukuba bangani bakaJesu noJehova? Singamlingisa njani uJesu ekuphileni kwethu?
1. UJesu ufana noBabakhe ngaziphi iindlela?
Nakasezulwini, uJesu bekabukele uBabakhe onethando bewafunda kuye isikhathi eside. Ngebanga lalokho, ucabanga, uzizwa bewenza izinto njengaye. (Funda uJwanisi 5:19.) Kuhlekuhle, uJesu ulingisa ubuntu bakaBabakhe patsi, kangangobana wathi: “Nanyana ngubani ongibonileko ubone noBaba.” (Jwanisi 14:9) Njengombana ufunda ngobuntu bakaJesu, uzomazi kuhle uJehova. Ngokwesibonelo, indlela uJesu ebekabathanda ngayo abantu itjengisa indlela uJehova akuthanda ngayo nawe.
2. UJesu utjengise njani ukuthi uyamthanda uJehova?
UJesu wathi: “Bona iphasi lazi ukuthi ngiyamthanda uBaba, ngenza njengombana uBaba angiyale bona ngenze.” (Jwanisi 14:31) Lokha nakasephasini, uJesu watjengisa ithando lakhe elikhulu ngoBabakhe ngokumlalela ngitjho nanyana bekubudisi ukwenza njalo. Bekamthanda khulu uYise kangangokuthi bekahlala akhuluma ngaye ukwenzela bona asize abanye babe netjhebiswano eliseduze naye.—Jwanisi 14:23.
3. UJesu utjengise njani ukuthi uyabathanda abantu?
IBhayibheli lithi uJesu ‘bekawathanda khulu amadodana wabantu.’ (IzAga 8:31) Watjengisa ithandweli ngokukhuthaza nangokusiza abantu ngokusuka ehliziyweni. Wenza imikarisomraro engatjengisi kwaphela amandlakhe kodwana nesirhawu sakhe. (Markosi 1:40-42) Bekaphatha abantu boke ngomusa begodu angabakhethululi. Amezwakhe bekaduduza begodu anikele nethemba ebantwini abathembekileko ebebamlalela. Bekazimisele ukutlhaga nokufela abantu ngombana uyabathanda. Kodwana ebekabathanda khulu ngilabo ebebazimisele ukwenza lokho akufundisako.—Funda uJwanisi 15:13, 14.
FUNDA NGOKUNGENELELEKO
Funda ngokungeziweko ngobuntu bakaJesu.Begodu ufunde ukuthanda nokuphananjengombana uJesu enza.
4. UJesu uthanda uBabakhe
Isibonelo sakaJesu sisifundisa indlela esingamthanda ngayo uZimu. Funda uLukasi 6:12 noJwanisi 15:10; 17:26. Ngemva kokufunda umtlolo ngamunye, cocani ngombuzo lo:
-
Isibonelo sakaJesu singasisiza njani bona sithande uJehova?
UJesu bekamthanda uBabakhe wezulwini begodubekahlala akhuluma naye ngomthandazo
5. UJesu unendaba nabantuabatlhoga isizo
UJesu bekabeka iintlhogo zabantu phambili kunezakhe. Ngitjhonanyana bekadiniwe, bekasebenzisa isikhathi namandlakhe ukusiza abantu. Funda uMarkosi 6:30-44, bese nicoca ngemibuzo le:
-
Endabeni le, ngiziphi ezinye iindlela uJesu atjengisa ngazo ukuthi unendaba nabanye?—Qala amavesi 31, 34, 41, no-42.
-
Khuyini eyenza uJesu bona asize abantu?—Qala ivesi 34.
-
Njengombana uJesu alingisa ubuntu bakaJehova,koke lokhu kukufundisani ngoJehova?
-
Ngiziphi ezinye iindlela esingalingisa ngazo uJesuekubeni nendaba nabanye?
6. UJesu uyaphana
UJesu bekanesandla esivulekileko nanyana bekanganazoizinto ezinengi begodu usikhuthaza bona nathi siphane. Funda izEnzo 20:35, bese nicoca ngombuzo lo:
-
UJesu uthi singathaba njani?
Dlala IVIDIYO, bese nicoca ngombuzo olandelako.
-
Ngiziphi ezinye iindlela esingaphana ngazo ngitjhonanyana singanazinto ezinengi?
Kghani bewazi?
IBhayibheli lisikhuthaza ukuthisithandaze kuJehova egameni lakaJesu. (Funda uJwanisi 16:23, 24.) Nasithandaza ngendlela leyo, sitjengisa ukuthi siyakuthokoza lokho uJesu asenzele khona ngokusisiza sibe bangani bakaJehova.
ABANYE ABANTU BATHI: “UZimu akanandaba nokutlhaga kwethu.”
-
Njengombana uJesu anobuntu obufana nebakaBabakhe, lokho kusitjengisanjani ukuthi uJehova unendaba nathi?
ISIRHUNYEZO
UJesu uthanda uJehova, uthanda nabantu. UJesu ufana noBabakhe, njengombana ufunda ukumazi, uzokufunda ukwazi uJehova.
Buyekeza
-
Singasilingisa njani isibonelo sakaJesu sokuthanda uJehova?
-
Singabathanda njani abantu njengombana kwenza uJesu?
-
Khuyini oyithanda khulu ngobuntu bakaJesu?
HLOLA OKUNGENZASI
Funda ngobunye ubuntu bakaJesu esingabulingisa.
“Lingisa UJesu Ngoku . . .” (UJesu—UyiNdlela neQinisonokuPhila, ikhasi 317)
Funda bona kubayini kufuze sithandaze egameni lakaJesu.
“Kubayini Kufuze Sithandaze Egameni LakaJesu?” (IsiThala, Febherbari 1, 2008)
Kukhona iBhayibheli elikutjhoko ngendlela uJesu ebekaqaleka ngayo?
“Bekaqaleka Njani UJesu?” (Isihloko esiku-jw.org)
Okhunye Ongakuthabela
OKUBUZWAKO
Siyini Isifundo SeBhayibheli Esinikelwa BoFakazi BakaJehova?
Ehlelweneli lesifundo sasimahla esinikelwa boFakazi bakaJehova, ungasebenzisa nanyana ngiyiphi itjhugululo yeBhayibheli. Zizwe utjhaphulukile ukumema woke umndenakho nabangani bakho bona bahlanganyele nawe.
